तेलअविव – नेपाल आदिवासी जनजाती महासंघ इजरायलको आयोजनामा इजरायलमा स्थापित जातीय संघसंस्थाहरु , सामाजिक , राजनैतिक, धार्मिक , साहित्यिक संघसंस्थाहरुको सह-आयोजकमा र १२ वटा मिडीया पार्टनरहरु सहित २५६१ औ बुद्ध जयन्ती कार्यक्रम तेलअविव, इजरायलमा भब्यताका साथ सम्पन्न गरेको छ |
नेपाल आदिवासी जनजाती महासंघ इजरायलको अध्यक्ष श्रीमती निर्मला गुरुङको सभापतित्वमा भएको कार्यक्रममा प्रमुख अतिथि एनआरएन इजरायलको अध्यक्ष दिपक वली रहेका थिए | बिशेष अतिथि धर्मगुरु लामा थुप्तेन तामाङ, सहआयोजक संस्थाका अध्यक्ष तथा प्रतिनिधि,मिडियाकर्मी लगायतका अतिथिहरुमा रहेका थिए |
बौद्ध धर्मगुरु लामा थुप्तेन तामाङ लगायतका लामा गुरुहरुबाट बौद्धधार्मिक विधिअनुसार पाठपूजा गरी कार्यक्रमको शुरवात गरेका थिए | कार्यक्रममा सहभागीहरुलाई सम्वोधन गर्दै ममता लिम्बुले स्वागत मन्तव्य राखेकी थिईन् |
राष्ट्रिय गौरब र भगवान बुद्धको जन्म नेपालमा भएको जानकारी बिश्व सामु अवगत गराउदै पर्यटन प्रवर्द्धन गर्ने उद्धेश अनुरुप बिगत सन् २०१० देखि इजरायलमा मनाउदै आईरहेको बुद्ध जयन्ती कार्यक्रममा यसपटक नेपाली राजदुतवास इजरायललाई सदा झैँ प्रमुख अतिथिमा निमन्त्रणा गरीयता पनि उपस्थित नजनाएको आयोजक संस्थाले जानकारी दिएका थिए | राजदुतावासबाट कुनै प्रतिनिधि पनि सहभागी नभएकोले कार्यक्रम कार्यतालिका हेरफेर गर्नु परेकोले कार्यक्रम तोकिएको समय भन्दा ढिला हुना गएको थियो | बुद्ध जयन्ती कार्यक्रम नेपाली दुतावास इजरायलले आयोजन गर्नुपर्ने यहाँ स्थित संघसंस्था द्वारा आयोजित कार्यक्रममा सहभागिता समेत नजनाएकोमा आयोजक संस्था,सहआयोजक संस्था लगायत उपस्थित सबै नेपालीहरु असन्तुष्टि देखेका थिए |

कार्यक्रम  स्थल परिसरमा बुद्ध जयन्तीको र्याली सहित बुद्ध वाज बोर्न एन नेपाल भन्ने नारा समेत लगाएका थिए | कार्यक्रममा सहभागीहरुलाई प्रशाद,खानेपानी र जुश बितवरण गरेका थिए |
प्रमुख अतिथी एनआरएन इजरायलका दिपक वलीले लगायत सहआयोजक संस्थाका र सह आयोजकमा रहनु भएका संघ संस्थाका पदाधिकारीहरुले बुद्ध जयन्तीको शुभकामना व्यक्त गर्नु भएको थियो |
कार्यक्रमको सभापति निर्मला गुरुङले इजरायलमा रहेका प्राय सबै संस्था एकै थलोमा भेला भई आयोजित कार्यक्रममा नेपाली राजदुतावास इजरायलको उपस्थित नहुनु गैरजिम्मेवार र लाचारपन भएको बताएकी थिईन् | नेपाली राजदुतावासको सहभागिता नाचगान,भोजभतेरमा मात्र सिमित रहेको र कस्तो कार्यक्रमलाई प्राथमिकता दिनुपर्छ भन्ने हेक्का र जानकारी समेत दुतावासको कर्मचारीलाई थाह नभएको बताउनु भएको थियो | साथै वहाँले नेपाली राजदुतावास इजरायलको द्धितीय सचिव हरिहर कान्त पौडेललाई टेलिफोनमा सम्पर्क गरी कार्यक्रम सुचारुको लागि सबै तयारी भएको र दुतावासको उपस्थितको  समयबारे बुझ्न खोज्दा  शुक्रबार बेलुका नाचगान र भोजसहितको कार्यक्रममा ढिलासम्म बस्नु परेकोले निन्द्रा अपुग भएकोले आफु उपस्थित हुना नसक्ने जवाफ प्राप्त भएको जानकारी समेत कार्यक्रम राखेकी थिईन् |

इजरायलको लागि नेपाली राजदुत  नवनियुक्त महामहिम निरञ्जन थापा गतसाता इजरायल आईसक्नु भएको छ | दुतावासको अनुपस्थितबारे नेपाली राजदुतावास इजरायलको द्धितीय सचिव हरिहर कान्त पौडेललाई तामाङअनलाइनले सम्पर्क गर्न खोज्दा फोन उठाउनु भएन |

कार्यक्रममा संकलित सहयोग रकम महाबिर पुन द्वारा संचालित राष्ट्रिय आविष्कार केन्द्रलाई हस्तान्तरण गर्ने जानकारी आयोजकले दिएका छन् |

कार्यक्रम नेपाल आदिवासी जनजाती महासंघ इजरायलका महासचिव नयन इम्सोङ लिम्बु र कार्यकारीसदस्य नानीमाया योन्जन तामाङले कुशलतापुर्वक संचालन गरेका थिए |