कुवेतमा २५६१ औ बुद्ध जयन्ती भव्यताको साथ मनाउने,प्रमुख अतिथीमा मोहन गोले तामाङ
कुवेत – नेपाल तामाङ घेदुङको आयोजनामा आउँदो ५ मे मा कुवेतमा २५६१ औं बुद्ध जयन्ती तथा सांस्कृतिक कार्यक्रम धुमधामका साथ मनाइने भएको छ ।
कुवेतको हवाली स्थित ब्वाइज स्काउट थेटर हलमा हुन गैरहेको २५६१ औ बुद्ध जयन्ती तथा बृहत सास्कृतिक कार्यक्रमको सबै आन्तरिक तयारी पुरा भएको जानकारी व्यवस्थापन पक्षले गराएको छ । कार्यक्रमको लागि प्रमुख अतिथि नेपालबाट नेपाल तामाङ घेदुङका केन्द्रिय अध्यक्ष मोहन गोले तामाङ आउने भएको छ |
तामाङ घेदुङ कुवेतका अध्यक्ष अमृत लोप्चनको अध्यक्षतामा बसेको बैठकले उक्त जानकारी गराएको हो । बैठकले कुवेतमा क्रियाशील विभिन्न संघसस्था, समाजसेवी, बुद्धिजिबी, पत्रकार, खेलाडी, राजनीतिज्ञ र सम्पुर्ण कुवेतबासी नेपाली दाजुभाइ तथा दिदीबहिनीहरुलाई कार्यक्रममा उपस्थित भै कार्यक्रमलाई सफल पारि दिनहुन हार्दिक अनुरोध पनि गरेको छ ।
कार्यक्रम गर्न लागेको ब्वाइज स्काउट थेटर हल कुवेतको अत्यन्त संबेदनशिल र प्रशासनिक क्षेत्र भएकोले कार्यक्रममा उपस्थित हुन चाहनेलाई कानुनले बन्देज गरेको कुनै पनि किसिमका सामान लगायत धुम्रपान, मध्यपान र नशालु पदार्थ सेवन नगर्न आयोजकले अनुरोध समेत गरेको छ ।
कार्यक्रम:
मिति : ५ मे २०१७ (शुक्रबार)
स्थान : ब्वाइज स्काउट थेटर हवाली (सेन्टर प्वाइन्टको ठिक अगाडि)
समय: ११ बजे बिहान
सम्पर्क: युग लामा ६६०३६३८४, राम लामा ९०९११२९६, अमृत लोप्चन ६५८०३२००, दिलकुमार पाख्रिन ६७७९०६८०, सुरेश ग्याबा ६६२३८०८७, रेसम लामा ९९०३५८४०, डिबी लोप्चन ९७७७६५१३, कृष्ण सिङ्ग्तान ५०१२३९४१, सम्बर वाईबा ९९२२६८०६, सुनबहादुर तामाङ (ट्याक्सी ग्रुप) ९७७०९३७१
