हेडलाईन

इजरायलमा न्हु: दँ नेपाल संवत् ११४३ तथा म्ह पूजाको अवसरमा सांस्कृतिक कार्यक्रम गर्दै         नेपाल तामाङ घेदुङ इजरायलको आठौं आदिवेशन हुदै         इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने        

एमालेको ‘धम्की’ र मधेसीको ‘घुर्की’ले गोलचक्करमा स्थानीय चुनाव

काठमाडौ, बैशाख १४ – राजनीतिक दलहरुका आ आफ्रनै स्वार्थका कारण आसन्न स्थानीय निर्वाचन ‘गोलचक्करमा’ फँसेको छ । प्रमुख दलहरु एकपछि अर्को गर्दै माग तेस्र्याउने र सरकार उनीहरुका माग पुरा गर्न संविधान संशोधन र सहमतिको ड्राफ्ट बनाउदै जाने गर्दा स्थानीय निर्वाचन अन्यौल बन्नुका साथै मुलुकको राजनीति जहाँको त्यहीँ रहने देखिएको छ ।

सहमति बनिसकेपछि मधेस केन्द्रीत दल पुनः आन्दोलन चर्काउने तयारीमा छन् भने प्रमुख प्रतिपक्ष दल एमाले पनि पुरानो नौ दलीय गठबन्धन व्युताएर सरकारले संविधान संशोधनका लागि संसदमा टेवल गरेको प्रस्ताव असफल पार्ने गृहकार्यमा लागेको छ ।
बैशाख ३१ लाई तय भएको निर्वाचन दलहरुको यस्तै खिचतानी र असमझदारीका कारण दुई चरणमा पुगेको छ । त्यतिमात्र होइन, मधेसका केही जिल्लामा मधेसी दलहरुलाई चित्त बुझाउन सरकारले स्थानीय तह थप्न थालेको तयारीको विरोध गर्दै प्रमुख प्रतिपक्ष एमालेले लगातार दुई दिन संसद बैठक नै अवरुद्ध गरिसकेको छ ।

एमालेले संसद बैठक अबरुद्ध पारेपछि सरकारले सो प्रस्ताव फिर्ता त लियो तर सरकराले स्थानीय तह थप्ने निर्णय फिर्ता लिएपछि मधेसकेन्द्रीत दल पुनः आन्दोलन व्युताउने भन्दै सरकारप्रति रुष्ट बने । एमाले सहमतिमा आएपनि मधेसकेन्द्रीत दल पुनः बटारिन थालेपछि निर्वाचनप्रतिको अन्यौलता कम हुनुको साटो थप बढ्दै गएको छ ।

एमाले र मधेसी दलको झगडा

मधेस केन्द्रीत दलहरु सीमाङ्कन हेरफेरसहित जनसंख्याको आधारमा मधेसका जिल्लामा स्थानीय तह बढाउनुपर्ने तथा हिन्दी भाषालाई राष्ट्रिय भाषाको मान्यता दिनुपर्ने अडानमा छन् । तर यी दुवै विषयमा प्रमुख प्रतिपक्ष एमाले बाधक बनेको छ । सरकारको संशोधन प्रस्ताव ‘राष्ट्रघाती’ भएको एमालेको ठहर छ र सीमाङ्कन परिवर्तन, भाषा तथा स्थानीय तह बढाउने विषयलाई जसरी पनि असफल पार्ने योजनामा छ । तर, स्थानीय चुनावमा मधेस केन्द्रीत दलहरुलाई सहभागि गराउन उनीहरुका माग सरकारले पुरा गर्नेपर्ने दवाव सरकारलाई छ । सरकारले दुवै पक्षलाई मान्य हुने मध्यमार्गी बाटो खोजेपनि दुवै पक्ष आफ्नो माग पुरा नभए कुनै काम अघि बढ्न नदिने अडानबाट पछि नहट्दा मुलुककोे राजनीति गोलचक्करमा फसेको छ ।

सहमतिको प्रयासस्वरुप के के भए ?

–सरकारले मधेसी मोर्चासँग २ र ५ नम्बर प्रदेशका ११ जिल्लामा नयाँ मापदण्डका आधारमा जनसंख्याको थ्रेसहोल्डको सीमा घटाएर स्थानीय तहको संख्या बढाउने सहमति ।

–जिल्लाका गाउँ र नगरपालिकाको संख्या र सिमाना पुनरावलोकन गर्न स्थानीय विकास मन्त्रालयमा सुझाब पठाउन पत्राचार ।

– सरकारको यो निर्णयलगत्तै एमालेबाट लगातार मंगलबार र बुधबार संसद अवरुद्ध ।

–प्रमुख प्रतिपक्षी एमालेले त्यसलाई स्वीकार नगरेपछि सरकारबाट पत्र फिर्ता लिने निर्णय ।

–सरकारको यो निर्णयपछि मधेसी मोर्चाका नेताहरूबाट आफूहरूलाई झुक्याइएको आरोपसँगै यसको गम्भिर परिणाम भोग्नुपर्ने सरकारलाई चेतावनी ।

पहिलो चरणको निर्वाचन आउन दुई साता मात्र बाँकी रहेका बेला कहिले प्रमुख प्रतिपक्षको धम्की त कहिले मधेसी मोर्चाआवद्द दलहरुको घुर्कीले निर्वाचन सम्पन्न गराउने प्रमुख दायित्व बोकेको सरकार गोलचक्करमा फसेको छ भने मतदातामा देखिएको निर्वाचनप्रतिको उत्साहामा पनि कमि हुदै जान थालेको पाइएको छ ।
@ रातोपाटी






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution