हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

डा. भट्टराई र मिश्र : दुई ‘नयाँ शक्ति’मा कुन बलियो ?

काठमाडौं, फागुन १८ । संविधान निर्माणसँगै डा. बाबुराम भट्टराईले ‘अबको निकास आर्थिक विकास’ भन्दै राजनीतिको नयाँ अध्याय थाले । तीन दशक लामो माओवादी यात्रा ०७२ असाेजमा टुंग्याउँदै नयाँ राजनीतिक ‘च्याप्टर’ मा छिरे उनी ।

त्यस क्रममा डा. भट्टराईले लोकप्रिय ब्यक्तिहरुसँग निरन्तर छलफल र अन्तरक्रिया गरेका थिए । त्यतिवेला पत्रकार रवीन्द्र मिश्र पनि भट्टराईसँगै नयाँ शक्ति गठनको प्रक्रियामा सक्रीय थिए । त्यसो त मिश्रले पनि राजनीतिमा सदाचार र इमान्दारिता खड्केको भन्दै विभिन्न मञ्च र साेसल मिडियामा तीताे अाेकल्दै अाएका थिए । त्यति मात्रै केही समय यता मिश्र नयाँ खालका गतिविधमा पनि सहभागी हुँदै अाएका थिए ।

पछिल्लाे समय भारतमा उदाएको आम आदमी पार्टीकै सिको गरी डा. भट्टराई र मिश्रको ‘एक्टिभिजम’ टिकेको थियो । विभिन्न कारणले मिश्र भट्टराईसँग मिल्न सकेनन् । नयाँ शक्ति पार्टी गठन भएको डेढ बर्षपछि रवीन्द्र मिश्रले पनि उस्तै ‘नयाँ शक्ति’ गठनको तयारी गरे ।

कुनै बेला एउटै ‘एक्टिभिजम’ मा जोडिएका डा. भट्टराई र मिश्र अहिले प्रतिष्पर्धीको रुपमा देखिएका छन् । त्यसो त यो लामो शिलशिलामा सुरुदेखि नै सक्रिय बनेका मुमाराम खनाल रवीन्द्र मिश्रसँग जोडिन पुगे । बाबुराम संयाेजक रहेकाे नयाँ शक्तिकाे स्वाद भने मुमारामले चाख्न भ्याइसकेका छन् । गत पुसकाे अन्तिममा खनालले बाबुराम नेतृत्वकाे नयाँ शक्ति छाडेका थिए ।

अन्ततः भट्टराईले जुन लक्षित समुहमा आफ्नो राजनीतिक भविष्य खोजेका थिए मिश्रले पनि त्यही लक्षित समुह बनाएका छन् । मिश्रले विज्ञप्तिमार्फत उल्लेख गरेका छन्, बिदेशमा रहेका र सम्भावनाको खोजी गर्ने प्रतिभाशाली, बौद्धिक ब्यक्तिहरु मिश्रको पार्टीको लक्षित समुह हुने पक्का छ । जुन कुरा डा. भट्टराईले पहिलेदेखि नै उल्लेख गर्दैआएका छन् ।

यसरी सहरीया मध्यम बर्गीय समुह यी दुबै पार्टीको ‘बेस’ बन्नेछ । यही सन्दर्भमा नयाँ शक्तिका नेता देवेन्द्र पौडेलसँग ‘रवीन्द्र मिश्रको पार्टीले तपाईँहरुलाई त दवाव भयो नी ?’ भनी सोध्दा उनले भने, ‘सामाजिक संजालमा चर्चा भएको छ । यथार्थ र बास्तविकता फरक हुन्छ । तै पनि रवीन्द्रजीलाई म शुभकामना नै दिन्छु ।’ पौडेलले प्रारम्भिक चरणमा आफूहरुबीच छलफल भएको बताएका छन् ।

कमजोर बन्दै डा. भट्टराई

पछिल्लो समय नयाँ शक्ति पार्टीभित्र असन्तुष्टि चुलिँदै गर्दा त्यहाँका नेता रामेश्वर खनालसहित प्रभावशाली ब्यक्तिहरु रवीन्द्र मिश्रले गठन गर्ने भनिएको नयाँ पार्टीमा प्रवेश गर्ने तयारीमा छन् ।

नयाँ शक्तिको ठूलो समुह रवीन्द्र मिश्रको ‘नयाँ शक्ति’ मा जान विभिन्न भेटघाट र छलफल तिब्र पारेका छन् । त्यसो त रामेश्वर खनाल पछिल्लो समय डा. बाबुराम भट्टराई नेतृत्वको नयाँ शक्तिमा पनि सक्रिय भूमिकामा थिएनन् ।

नयाँ शक्तिका नेता देवेन्द्र पौडेलका अनुसार रामेश्वर खनाल सल्लाहकारको रुपमा मात्रै सिमित थिए । डा. भट्टराईले रामचन्द्र झालगायत नेताहरुलाई अघि सारेपछि नै खनाल पार्टीमा निस्क्रिय बन्न थालेका हुन् । पछिल्लो समय उपेन्द्र यादवसहित मधेसी मोर्चासँग कार्यगत एकता गर्ने भट्टराईको उद्घोषपछि भने नयाँ शक्तिका धेरैजसो नेताहरु असन्तुष्ट बनेका हुन् ।

डा. भट्टराई उपेन्द्र यादवसँग नजिकिनु नै खनाल सहितका नेताहरुलाई पार्टी छोड्ने बहाना बनेको हो । स्रोतका अनुसार उनै खनालको नेतृत्वमा एउटा समुह नै रवीन्द्र मिश्रले गठन गर्ने भनिएको नयाँ पार्टीमा प्रवेश गर्ने तयारीमा छन् । यस विषयमा नयाँ शक्तिका नेता देवेन्द्र पौडेलले भने, ‘जोसुकैलाई पनि स्वतन्त्रता छ । खनालजी वा कोही अन्य पार्टीमा जाने कुराले हामीलाई असर पर्दैन ।’

अपरिपक्व मिश्र !

जतिसुकै चर्चित भए पनि संगठन निर्माण र राजनीतिक निर्णयमा भने मिश्र अति नै अपरिपक्व मानिन्छन । सामाजिक बहस र अन्तरक्रियामा पनि उनले दिने टिप्प्णीहरु अति नै सतही र ‘पपुलिष्ट’ हुन्छन् । सैद्धान्तिक जरोसम्म पुग्न उनलाई मुस्किल हुन्छ । सैद्धान्तिक बैचारिक बहसमा डा. भट्टराई जति पोख्त र अध्ययनशिल छन् मिश्रमा त्यो पक्ष कमजोर छ ।

त्यस्तै, भट्टराईसँग लामो राजनीतिक पृष्ठभूमि छ । आर्थिक, सामाजिक, सांस्कृतिक, परराष्ट्र लगायत बैचारिक बहसमा भट्टराई जति खरो उत्रिन सक्छन् मिश्रसँग उति बैचारिक गाम्भिर्यताको कमी छ । रिसर्च गरेर प्रश्न सोध्न, जिज्ञाशा राख्न सक्छन् तर, सैद्धान्तिक समझको कमी भने मिश्रमा छ ।

त्यसो त काठमाडौंका धनाढ्य मिश्रलाई ‘एलिट’ र ‘आदर्शवादी’ को आरोप लाग्ने गर्छ । सामाजिक संजालमा उनीमाथि ‘रिटायर्ड लाईफ’ को सदुपयोग गर्न खोजेको आरोप लागिसकेकाे छ ।

उद्धेश्य एउटै

‘ग्लोबल मिडिया’ को २० बर्षे पत्रकारितामार्फत चर्चा कमाएका मिश्रले पार्टी गठन गर्ने भनेपछि नै सहरका प्रभावशाली पत्रकारहरुले खुलेरै सुभकामना दिएका छन् ।

कतिपय पत्रकारहरुलाई त मिश्र आफैँले फोन गरी ‘कन्भिन्स’ गर्ने प्रयास गरे । पछिल्लो यस्तो गतिविधिले पनि केही प्रभावशाली ब्यक्ति र पत्रकारहरु उनको पार्टीमा जाने संकेत मिलेको छ । त्यसो त, डा. भट्टराई ‘टेस्टेड’ नेता हुन् भने मिश्र राजनीतिमा ‘अनटेस्टेड’ । यही कारण पनि सहरीया मध्यम बर्गीय युवाहरु मिश्रसँग आकर्षिकत हुने संकेत सामाजिक संजालमा उनको गतिविधिले पनि देखायो ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution