काठमाडौं । अन्तर्राष्ट्रिय मातृभाषा दिवसको अवसरमा राष्ट्रिय मातृभाषा कविता महोत्सव–२०७३ सम्पन्न भएको छ । नेपाल प्रज्ञा प्रतिष्ठानले आयोजना गरेको उक्त महोत्सवमा ७३ वटा कविता दर्ता भएकोमा ४२ वटा मातृभाषाका कविता छनौट भएको प्राज्ञ श्रवण मुकारुङले जानकारी गर्नु भएको थियो ।
तामाङ, भोजपुरी, लिम्बु, सुनुवार, नेपालभाषा, मैथिली, बान्तावा, थारु, मगर, वाम्बुले लगाययत ४० वटा मातृभाषाका कविताहरु वाचन गरेका थिए । अतिथि कवि द्धय शैलेन्द्र सिम्खडाले तामाङ भाषा र मुक्तिनाथ घिमिरेले दुरा भाषामा कविता वाचन गर्नु भएको थियो । त्यसैगरी तामाङ भाषामा रुपक ‘जमरा’ ग्लान र रन्जना मोक्तानले वाचन गरेका थियो ।
विभिन्न जातिको झाँकी र्यालीले कमलादी, रत्नर्पाक, बागबजार, पुत्तलीसडक हुँदै प्रज्ञाप्रतिष्ठानमा पुगेर औपचारिक कार्यक्रम शुरु भएको थियो । प्रमुख अतिथि वरिष्ठ साहित्यकार बैरागी काइलाले दीप प्रज्ज्वलन गरी कार्यक्रमको उद्घाटन गर्नुभएको थियो । सोहीक्रममा उहाँले मातृभाषालाई सरकारले समान व्यबहार नगरेकोले अन्तर्राष्ट्रिय मातृभाषा दिवसलाई आन्दोलनको रुपमा मनाउनु परेको बताउनु भयो । @ डाजाङ डेक्स्