हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

जुवा जित्न वनमान्छेको पन्जा किनबेच

काठमाडौं- चितवनका ५० वर्षीय कालु गुरुङ र ३३ वर्षीय इन्दु गुरुङ दम्पती हुन्। महानगरीय अपराध महाशाखाको हिरासतमा रहेका यी दुई कसुर अन्य घटनाभन्दा फरक छ। गुरुङ दम्पतीबाट बरामद सामग्री पनि प्रहरीकै लागि ‘अचम्मको वस्तु’ भएको छ।

महाशाखाले गुरुङ दम्पतीबाट बरामद गरेको वस्तु मान्छेको हातको पन्जाजस्तो छ। अबिर र सिन्दुर पोतिएको, सुरक्षित तरिकाले पहेंलो कपडामा बेरिएको उक्त पन्जा लाखौंमा बेच्ने योजना र ग्राहककै खोजीका क्रममा गुरुङ दम्पतीलाई प्रहरीले पक्राउ गर्‍यो।

घटना अनुसन्धान गरिरहेका प्रहरी अधिकारीले गुरुङदम्पतीले बरामद पन्जा वनमान्छेको दाबी गरेका छन्। यस्तो पन्जा आफूसँग राख्ने व्यक्तिले जुवा नहार्ने अन्धविश्वासका कारण निकै ठूलो धनराशिमा खरिदबिक्री हुने गर्छ।

‘जुवा नै व्यवसाय भएका सट्टाबाज, घरजग्गा व्यापारी र अन्य त्यस्तै समूहमा खरिदबिक्री हुने गरेको छ, थप विवरण प्रयोगशालाको परीक्षणपछि थाहा हुन्छ’, महाशाखाका एसपी प्रकाशजंग कार्कीले नागरिकसँग भने। उनका अनुसार बरामद सामग्री थप अनुसन्धानका लागि विधिविज्ञान प्रयोगशाला, पुरातŒव विभाग र वन कार्यालय पठाएको छ।

घटनाका अनुसन्धान अधिकारी डिएसपी किरणजंग थापाका अनुसार गुरुङ दम्पतीले हुँदै नभएको काल्पनिक वस्तुलाई ठगीकै लागि वनझाँक्रीको भनेर बेचबिखन गर्न खोजेका थिए। उनका अनुसार चार जनाको समूहमा रहेका उनीहरुमध्ये दुई बुद्धको मूर्तिका ग्राहक खोज्दै गर्दा फेला परेका हुन्।

महाशाखाले प्राचीन बुद्ध मूर्ति बेचबिखनमा संलग्न सिन्धुपाल्चोक, गातीका अर्जुन मगर र मार्मिङका रामशरण मगरलाई पक्रेको हो। प्रहरीले उनीहरुबाट प्राचीन मूर्तिसमेत फेला पारेको छ।

अन्धविश्वासमा हुँदै नभएका वस्तुको बजार

काठमाडौंमा प्रहरीले उत्पत्तिमै अति दुर्लभ र यकिन नभएका वस्तुको समेत व्यापार भइरहेको अवस्थामा समय–समयमा व्यक्ति र वस्तु बरामद गर्दै आएको छ। प्रहरीले गरेका पछिल्ला कारबाहीमा स्यालको सिङ, नाग मणि, वनझाँक्रीको हड्डी र मानवअंग बरामद गरेको हो।

प्रहरीका अनुसार छिटो सम्पन्न हुने लालसामा नागमणि, स्यालको सिङ र वनझाँक्रीको हड्डीको व्यापारका घटना काठमाडौंमा हुने गरेको छ। बिक्री गर्ने ग्रामीण र खरिदकर्ता शिक्षित र सहरवासी देखिएका छन्।

महाशाखाका प्रमुख एसएसपी दिनेश अमात्य सचेत र शिक्षित नागरिक अन्धविश्वासमा पर्दा यस्ता वस्तुको व्यापारमा संलग्न र ठगीको प्रकृति उपत्यकामा बढेको बताउँछन्। उनका अनुसार छिटो धनी हुने र सम्पन्न बन्ने सपनामा यस्ता शून्य मूल्य भएका नक्कली वस्तुको व्यापार फस्टाएको हो।

‘वस्तुको कुनै मूल्य छैन, तर लाखौंमा बेचबिखन भइरहेको छ, ठूलो आर्थिक कारोबारका कारण ठगी र अन्य जघन्य अपराधको सहायक यस्ता घटना भइरहेका छन्’, अमात्यले भने। उनका अनुसार अर्वुद्ध रोगबाट ग्रस्त व्यक्ति र परिवार तथा व्यापार–व्यवसायमा घाटा बेहोरेका व्यक्ति यस्तो अन्धविश्वासमा सजिलै फस्ने गरेका छन्।

काठमाडौंमै मानव खप्पर, हड्डी र वनझाँक्रीको पन्जा

महाशाखाका अनुसार काठमाडौंमै मानव खप्पर, हड्डी र वनझाँक्रीको पन्जा खरिदबिक्री र भाडामा उपलब्ध हुने गरेको छ। महाशाखाका एक अनुसन्धान अधिकारीका अनुसार पेसेबर जुवाडेले देशभित्र र बाहिर करोडौंको जुवा खेल्न जाँदा यस्ता वस्तु आफूअनुकूल खरिद गर्ने वा भाडामा लिएर जाने गरेका छन्।

प्रहरीले अनुसन्धान टुंग्याएको गत असारको एउटा घटनामा मानव खप्पर र हाडखोर काठमाडौं चावहिल मित्रपार्क चोकमा रहेको एउटा पसलबाट खरिद गरेको पुष्टि भइसकेको छ। केन्द्रीय अनुसन्धान ब्युरोको अनुसन्धानमा बरामद मानव खप्पर मित्रपार्कमा रहेको जडीबुटी पसलबाट १९ हजारमा खरिद गरेको बयान पक्राउ परेका अभियुक्तले दिएका थिए।

प्रहरीका अनुसार सीता सिवाकोटीले सञ्चालन गरेको उक्त पसलमा पक्राउ परेका कानु पहरीले आफूले पहिला पनि खरिद गरेको बताउँदै मानव खप्पर मागेका थिए। सीताका ससुरा प्रेम सिवाकोटीले सञ्चालन गर्ने उक्त पसलमा ससुराको मृत्युपछि उनी बस्दै आएकी थिइन्।

प्रहरीले बेलाबेला विभिन्न घटनामा पक्राउ पर्ने तान्त्रिकका साथबाट समेत मानव खप्पर खरिदबिक्री भइरहेको आधारमा सोही समय गौशाला, चावहिल, गुह्येश्वरीसहितका स्थानमा खोजी गरेको थियो। ‘चिहानबाटै निकालेरसमेत खरिदबिक्री हुन्छ भन्ने सुचना पाएका थियौ, तर फेला परेन,’ ती अधिकारीले बताएको समाचार नागरिकन्युजमा छ |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution