माघ २९ – प्रधानमन्त्री पुष्पकमल दहाल प्रचण्डले मधेसी, मुस्लिम, दलित, महिला, आदीवासी जनजाति एवम् सवै भाषाभाषीलाई समेटेर एकता कायम गरी नयाँ नेपाल बनाउने कार्यमा अघि बढेको बताउनुभएको छ ।
रौतहटको जिगडवा वेलविछवा गाविसमा मुस्लिम कमिटी जिगडवा करुनियाद्धारा शनिबार आयोजित मुस्लिम अधिकार एवं पहिचानको लागि ‘नेपाल भारत मुशायरा’ (कवि सम्मेलन) कार्यक्रमलाई उद्घाटन गर्दै प्रधानमन्त्री प्रचण्डले हिमाल, पहाड र तराईका सवै भाषाभाषी एवम् धर्मसंस्कृतिलाई एकताको सुत्रमा बाँधी नयाँ नेपालको निर्माणमा आफू बढिरहेकोमा सबैको सहयोग हुनुपर्ने बताउनुभयो ।

त्यस्तै प्रधानमन्त्री प्रचण्डले सरकारी कार्यालयका प्रमुखहरुलाई लक्षित गर्दै निर्वाचनतर्फ उन्मुख हुन तयारी अवस्थामा रहन निर्देशन दिनुभयो । कार्यक्रममा प्रधानमन्त्री प्रचण्डलाई माओवादी केन्द्रका सांसद अशोक जयसवालले १ सय २५ किलोको माला लगाएर स्वागत गर्नुभएको थियो ।