तेलअविव – शेर्पा संघ इजरायल द्वारा बौद्धधर्मालम्वी शेर्पाहरुकाे महान राष्ट्रिय पर्व २१४४ अाैँ   ग्याल्पाे लाेसार में माे च्या लाे (चरा बर्ष) को पावन अवसरमा यहि आउँदो  ४ मार्च २०१७ (शनिबार)  तेलअविव शहर स्थित याद खारुचिम स्ट्रीट ११ मा रहेको पार्टी हलमा ग्याल्पो लाेसार साँझ – २०७३ भव्यताको साथ मनाउने भएको छ |

संस्थाको द्धितीय उपाध्यक्ष  श्रीमती डाेमा शेर्पाकाे संयोजकत्वमा मनाउन गईरहेको कार्यक्रमको लागि नेपालबाट आमन्त्रित  चर्चित युवा गायक लाक्पा शेर्पा (अमाेद) आउने भएको छ |  यसैगरी नेपालकै शेर्पा भाषाकाे पप गायक छाेङ्बा शेर्पा , डिजे बिपिन लामा र स्थानीय कलाकारहरुकाे बेजोड प्रस्तुतिकाे साथमा रात्रि भाेज सहित भब्यताका साथ मनाउने भएको छ |

संस्थाले सबैलाई सुबिधा उपलब्ध गराउन सहजताकाे लागि र  ब्यबस्थापन गर्न सजिलाेकाे लागि टिकट बुकिङ खुल्ला गरेको छ |   आउँदो  २५ फेब्रुअरी भित्र सबैले टिकट बुकिङ गरि सहयोग गरिदिनु हुना संस्थाले हार्दिक अनुरोध गरेको छ | यस  पटक  टिकटबाट लाेसारलाई अझ राेमाञ्चक बनाउनकाे लागि २ जनालाई  भाग्यशाली नगद  पुरस्कार बितरण गरिने भएकोले  टिकटकाे अर्धकट्टी नफाली अन्तिम सम्म सुरक्षित राखि पुरस्कार लिन  समेत  अनुरोध गरेको छ |

उपस्थित टिकट लिएकाहरु मध्ये  प्रथम पुरस्कार ३००  सेकेल  र  द्वितिय पुरस्कार २००  सेकेल दिइने जनाएको छ | कार्यक्रम प्रवेश लागि टिकट शुल्क २२० सेकेल रहेको छ |

इजरायलमा रहनुभएका शेर्पा दाजुभाइ तथा दिदीबहिनीहरु लगायत सम्पूर्ण इजरायलवासी नेपालीहरुमा ग्याल्पो लोसारमा उपस्थितको लागि संस्था द्वारा हार्दिक  निमन्त्रणा गरेको छ |