–सरोजमोहन लामा तामाङ

मेरो आँखा अगाडी अटल रहने ताम्सालिङ,
तिम्रो कोमलपनमा अनौठो आकर्षण छ ।
त्यसैले मेरो ताम्सालिङको अंङ्ग अंङ्गहरुमा,
अनेकौ चोटहरु हजारौ चोटि बैरीहरुले दिईरहन्छन्,
तिमीलाई अनेकौ आरोपहरु लगाईरहन्छन्,
तैपनि अक्मकिदैन डक्मकिदैन मेरो प्यारो ताम्सालिङ ।

तिम्रो जीवनलाई गौरब गर्दै कसैले फाइदा लुटे होला,
कसैले तिमीलाई कुटे होला, कसैले चुट्यो होला ।
तर हेरन सबैको हृदयको प्यारो ताम्सालिङ,
कति पवित्र, स्वच्छ, निडर, निरन्तर हाँसिरहेको छ,
मेरो प्यारो ताम्सालिङ ।

तिम्रो जीवनमा अनेकौ उत्तार चढावहरु त भईरहन्छ नै,
कहिले अविरल बर्षात भई पहिरो त कहिले डरलाग्दो आँधी हुरी,
जस्तै विकराल अवस्थामा पनि झुक्न, ढुक्न अनि लुक्न जान्दैन,
मेरो प्यारो ताम्सालिङ ।

तिमी लक्ष्य हौ, सबैको लक्ष्यमा पुग्नेछ,
तिमी कृति हौ, सबैलाई फैलाउने अवसर दिइने छ ।
आरोप प्रत्यारोपहरुले तिम्रा अंङ्ग अंङ्गहरुमा थिचिएर शिथिल बनाउदा पनि,
अनेकौ अंहकारीहरुले चुनौतिहरु दिएता पनि,
आफ्नो कर्तव्यबाट पन्छिन चाहदैन ताम्सालिङ ।
अटल अडानबाट किन्चित डगमगिदैन मेरो प्यारो ताम्सालिङ ।

तिमी नेपाल आमाको गौरबशाली सुपात्र हौ,
ऐतिहासिक, भौगोलिक, संस्कृतिको पहिचान हौ ।
हरेक बाधा अर्चनहरुलाई सजिलै पार गर्छौ,
तिमी भित्र मायालु हृदय आत्मा छ ।
कोमल भावनाहरु छन,् सबैले तिमीलाई बुझ्दछन्,
त्ससैले मलाई मेरो प्यारो ताम्सालिङ देख्ना आफैमा गर्व लाग्छ ।
घमण्ड जाग्छ को भन्दा कम छ मेरो प्यारो ताम्सालिङ ।
मेरो प्यारो ताम्सालिङ । मेरो प्यारो ताम्सालिङ ।