न्युयोर्कमा तामाङ ल्होछार भव्यताको साथ सम्पन्न
न्युयोर्क । तामाङ सोसाइटी अफ अमेरिकाले २८५३ औ सोनाम ल्होसारको अवसरमा न्युयोर्कमा ल्होछार सांस्कृतिक कार्यक्रम भव्यताको साथ मनाएको छ । एनआरएन अमेरिकाको अध्यक्ष डा केशव पौडेलको प्रमुख आतिथ्यमा भएको कार्यक्रममा विशेष अतिथि कर्नेल युनिभर्सिटीका प्रोफेसर क्यारिन मार्च र डेविड मार्चले ल्होछार कार्यक्रमको शुभकामना दिएका थिए ।
प्रोफेसर दम्पति तामाङ भाषामा विद्यावरिधि गरि तामाङ समुदायमा महत्वपुर्ण योगदान पु¥याउर्दै आएका जोडी हुन । कार्यक्रममा तामाङ कल्चर सेन्टरका संयोजक इन्द्र तामाङले तामाङ संस्कृतिको संरक्षणको लागी स्थापना गर्न लागेको सेन्टरलाई सहयोग गर्नेहरुलाई धन्यवाद ज्ञापन गदै सम्मान पत्र प्रदान गरेका थिए ।
बालबालिकाहरुद्धारा तामाङ लोक संस्कृतिमा आधारित तामाङ सेलो नृत्यबाट शुरु गरेको कार्यक्रममा गायकहरु सानु शेर्पा, देण्डी शेर्पा, आङ गेलु शेर्पा, गायिका गोमा योन्जन लगायतले गीत गाएका थिए भने बसन्त डान्स सेन्टर तथा झन्कार डान्स सेन्टरका कलाकारहरुले नृत्यहरु प्रस्तुत गरेका थिए ।
कार्यक्रममा विभिन्न राज्यबाट तामाङ भेलामा उपस्थित प्रतिनिधिहरुको पनि उपस्थित रहेका थिए । प्रवासमा तामाङ जातीको भाषा र संस्कृतिको संरक्षणको लागी आयोजना गरेको ल्होछार कार्यक्रममा विभिन्न राज्यको तामाङ प्रतिनिधिहरुको उपस्थितिले कार्यक्रमलाई रोचक बनाएको सोसाइटीको अध्यक्ष शान्त थोकरले बताए ।
औपाचारिक कार्यक्रम सोसाइटीका महासचिव अमर तामाङले सञ्चालन गरेका थिए भने साँस्कृतिक कार्यक्रम छयोइसाङ थिङ तामाङ र रेणु वाइवाले सञ्चालन गरेका थिए । कार्यक्रममा सोसाइटीले प्रोफेसरहरु क्याथरिन मार्च , डेविड मार्च, तेक्वान्दो खेलाडी विधान लामा र तामाङ टोपिमा सगरमाथा आरोहण गर्ने कर्ण बम्जन र जनजाती महासंघलाई पनि सम्मान गरिएको थियो । @ एभेरेष्टटाइमन्यूज |