न्युयोर्क — उत्तर अमेरिकामा रहेका तामाङहरूको न्युयोर्कमा सम्पन्न भेलाले आगामी मे महिनाको २० र २१ तारिख उत्तर अमेरिकी तामाङ सम्मेलन गर्ने निर्णय गरेको छ ।
सोनाम ल्होछारको अवसरमा तामाङ सोसाइटी अफ अमेरिकाको पहलमा भएको तयारी बैठकले अब हुने सम्मेलनले तामाङ सोसाइटी अफ अमेरिका नाम राखेर विभिन्न राज्यलाई च्याप्टरको रुपमा गठन गर्ने निर्णय गरेको सोसाइटीको महासचिव अमर तामाङले जानकारी दिएको छ ।
न्युयोर्कको ज्याक्सनहाइटमा सम्पन्न बैठक सोसाइटीको अध्यक्ष शान्त थोकरको अध्यक्षतामा विभिन्न ९ राज्य तथा क्यानाडा समेत गरि ५२ जना प्रतिनिधिको सहभागिता रहेको छ । न्युयोर्कमा हुन लागेको सम्मेलन थोकरको संयोजकत्व तथा सोसाइटीको पुर्व महासचिव लाक्यान लामाको सदस्य सचिवमा ५१ सदस्यीय तयारी समिति गठन गरेको छ ।
सोसाइटीले बैठकपछि शनिबार बेलुकी तामाङ कल्चर सेन्टरको सहयोगमा मौलिक तामाङ सस्कृति झल्कने ल्होछार कार्यक्रम गर्न भएको जनाएको छ । @ एभेरेष्टटाइमन्यूज |