याम्बु – तामाङ समुदायले मनाउने सोनाम ल्होछार २८५३ ज्या÷चरा वर्षको अवसरमा आज बुधबार काठमाडौंमा राष्ट्रिय कविता प्रतियोगिता सम्पन्न भएको छ । ल्होछार मुल समारोह समितीद्धारा नेपाल प्रज्ञाप्रतिष्ठान कमलादीमा आयोजित प्रतियोगितामा काभ्रेपलान्चोक नारायणस्थानकी रेणुका गोले प्रथम, सिन्धुली कल्पवृक्षका रुपक ‘जमरा’ घलान दोस्रो र सिन्धुपाल्चोक ठुलो पाखारकी संगित थिङ तेस्रो भइन । यस्तै काभ्रेपलान्चोक मेच्चेका रत्न दोङ तामाङ र रामेछाप बेथानकी धनकुमारी घिसिङले सान्त्वना पुरस्कार प्राप्त गरेका छन् । प्रथम, द्धितिय, तृतियलगायतलाई क्रमशः १० हजार, ७ हजार, ५ हजार र दुइजना सात्वनालाई १ हजार ५ सयका दरले नगद पुरस्कार र प्रमाणपत्र प्रदान गरिएको छ ।
कार्यक्रममा काठमाडौं, ललितपुर, काभ्रोपलान्चोक, रामेछाप, रसुवा, सिन्धुपाल्चोक, सिन्धुलीलगायत गरी १२ जिल्लाका ३२ जना कविले सहभागिता जनाएका थिए । ताम्सालिङ शिर्षकमा भएको प्रतियोगितामा ३२ जनामा १६ जना महिला कवि थिए । प्रतियोगितामा तामाङ कविहरु दुपवाङगेल मोक्तान, मुक्तान थेबा र योगबहादुर घिसिङले निर्णायकको भुमिका निर्वाह गर्नु भएको थियो । @ तामाङ डाजाङ