सञ्जय तामाङ ( मेन्दोला ) जापान ,नगोय – तामाङ समुदायहरुको महान चाड मन्जुश्री सम्वत् २८५३  ज्या ल्हो (चरा बर्ग्) सोनाम ल्होछार बिगतका बर्षहरुमा झै यस बर्ष पनि “हाम्रो भाषा ,धर्म,सस्कार्,सन्स्कृती भेषभुषा रितिरिवज रिमठिमलाई जगेर्न गरौ” भन्ने मुला नाराको साथमा आउँदो ५ फ्रेब्रुअरी २०१७ (आइतबार)का दिन टोयोटा शि , टोयोटा सान्घ्यो बुन्ख सेन्टर (豊田市小坂本町) दिउँसो  १ बजे देखि भब्यताका साथ मनाउने भएको छ |

नेपाल तामाङ समाज च्युबु क्षेत्रीय समिती नगोय द्वारा  मुख्य आयोजन गरिने कार्यक्रममा २८५२ टे (प्रे)ल्होलाई बिदाइ गर्दै २५५३ ज्या ल्हो (चरा बर्ग्)लाई स्वागत रमझमका साथ गरिने समितिका अध्यक्ष  सुर्य बहादुर  थिङ तामाङले  बताए |
मन्जुश्री २८५३ ज्या ल्हो (चरा बर्ष) सोनम ल्होछार  भव्यताका साथ मनाउन  नेपालबाट आमन्त्रीत अथिती कलाकारहरु गायीका सुवानी मोक्तान  तामाङ  र अमृत लामा तामाङको साथमा जापान नगोयाका स्थानिय कलाकारहरुको बेजोड प्रस्तुतिको साथ सम्पन्न हुने समितिका सचिब तथा कार्यक्रम संयोजक कर्म दोङ तामाङले बताउनु भएको छ | कार्यक्रम सभ्य एवम भब्य बनाउनका लागि तीन जना उपसंयोजकहरु गठन गरिएको छ |  जसमा संजय  तामाङ ( मेन्दोला ),राजु थोकर तामाङ र निश्चल गोले तामाङ रहेका  छन |
नेपाल तामाङ समाज जापान नगोयको आयोजनामा २८५३ औं ज्या ल्हो सोनाम ल्होछार भब्यताकासाथ मनाउने हुँदा सम्पुर्ण जापानको सफा,सुन्दर शहर नागोया, मिएकेन,टोयोटा र गिफुकेन लागायत वरिपरि बस्नु भएका सम्पुर्ण तामाङ तथा गैरतामाङ नेपाली दाजुभाइ तथा दिदीबहिनीहरुमा ल्होछार  कार्यक्रममा उपस्थिति भई  रौनकता  बढाई दिनुहुन आयोजकले हार्दिक आग्रहको साथ निमन्त्रणा  गरेको छ |