नयाँ शक्ति पार्टी नेपालले स्वदेश तथा विदेशबाट सम्पूर्ण नेपालीको माग  भएतापनि जारी संविधानमा प्रत्यक्ष निर्वाचित कार्यकारी प्रमुख राष्ट्रपति/प्रधानमन्त्रीको ब्यवस्था नगरिएकोमा दश लाख हस्ताक्षर संकलन गरी सरकारलाई  बुझाउन अभियान सुरु गरेको छ |   संबिधानमा विभिन्न बहानामा संबिधान संशोधन हुँदा र प्रक्रिया थाल्दा यो बिषयको मुद्दा पर्दैन ? यो मुद्दालाइ संबिधान संशोधनमा राखियोस् भन्ने चाहनुहुन्छ भने सम्पूर्ण दल र सरकारलाई दबाब दिना हस्ताक्षर अभियानमा सहभागी र हस्ताक्षर गरेर  आवाजलाई  बुलन्द  गर्नु अबको आवश्यकता हो |
देशमा ९ – ९ महिनामा सत्ता परिबर्तन हुने बिदेशीका इसारामा केहि मुट्ठीभर नेताहरुका प्रधानमन्त्रि ,मन्त्रि बन्ने सपनाहरु पुराभईरहंदा पनि जनताका इच्छा ,चाहना उस्तै हुने, देश झन् बिकराल स्थितिती तिर गईरहेको छ  ।  महंगी , कालाबजारी र भ्रष्टाचारले जरोगाडेर माफियातन्त्रले जे चाह्यो त्यहि मात्र हुने स्थिति छ । बिगत १० बर्षमा १० थान प्रधानमन्त्री पाउनु , प्रजातन्त्रको २६ बर्षमा २३ थान सरकार परिबर्तनले मुलुकको बेथिति र अविकसितताको कारण प्रष्ट जनाउ दिएको छ ।
बिबेकशिल, बुद्धिजीवि समूह आज विभिन्न स्वार्थ समुहमा चिरा-चिरा परेको छ । संबिधान लेखनको प्रक्रियामा बहुमत जनताको चाहना प्रत्यक्ष  निर्वाचित कार्यकारी हुँदा-हुदै जबजस्ती अहिलेको जस्तो वर्षदिन नपुग्दै सरकार फेर्ने मिलेर खाने नियत स्वरुप संसदीय प्रणालीमा सहमत गरि संबिधानमा लेखिएको जगजाहेर छ ।
अहिले नयाँ  संबिधानको कार्यन्वयन भन्दै ९ – ९ महिनामा फेरी आलोपालो सरकार परिबर्तन गर्ने दलहरु बीच सहमति भईरहेको छ । यो खेल अब सधै जारि रहने निश्चित छ । जनताले माओबादी केहि मधेशी दल र एमाले पार्टीको घोषणा पत्रमा प्रत्यक्ष  निर्वाचित प्रमुखको  लागि मत पनि दिएका थिए  र कांग्रेसमा पनि अधिकांश जनताको माग थियो  । आखिर फेरी किन संसदीय परिपार्टी अनुसार प्रधानमन्त्रि चुनिने खेल मैदानका लागि संबिधान बनाइयो ? सम्पूर्ण नयाँ  परिबर्तनकारी  शक्तिहरु अब जनताको अधिकार स्थापनाको लागि निम्न माग राख्दै हस्ताक्षर अभियान थालनी सुरु गरेको हो |
हस्ताक्षर संकलनको मुख्य उद्देश्य भन्नु नै  देशमा प्रत्यक्ष  निर्वाचित कार्यकारीको लागि वर्तमान संबिधानमा संशोधन माग वा प्रत्यक्ष  निर्वाचित कार्यकारी व्यवस्थाको लागि जनमत संग्रहबाट फैसला गर्नु हो ।

मुख्य उद्देश्यहरु 
– सम्बृद्ध नेपालको लागि स्थाई सरकार,स्थाई सरकारको लागि प्रतक्ष निर्वाचित् कार्यकारीका लागि
– बिदेशीको इसारामा पटक पटक प्रधानमन्त्री र सरकार स्वार्थ अनुसार परिबर्तन हुने परिपार्टीको अन्तको लागि
– आफ्नो देशको कार्यकारी बिदेशीले हैन जनताले प्रतक्ष मत दिएर ५ वर्ष सम्म काम गर्न दिनको लागि
–  ९ – ९ महिना मिलेर खाने सिन्डिकेट प्रथा तोड्न
– मुट्ठी भर ८-१० नेताहरुको स्वार्थ अनुसार देश हिडाएर देश र जनताको स्वार्थ ओझेलमा पारीने खेल्न बन्द गर्न
जनताको अधिकार स्थापना गर्न नेपालमा स्थित्व , शान्ति र सम्बृद्धीका लागि हस्ताक्षर संकलन अभियानमा सहभागी भई  आफ्नो मतको  सद्युपयोग गरौ |