तेलअविव- नेपाल मगर संघ इजरायलको आयोजनामा गत शुक्रबार १३ जनवरी २०१७ का साँझ तेलअविव शहर स्थित याद खरुचिम -१५ मा रहेको EVE पार्टी हलमा माघे संक्रान्ति -२०७३ भव्यताको साथ मनाएको छ |
संस्थाका अध्यक्ष बसन्त राजकोटी मगरको सभापतित्व रहेको कार्यक्रममा प्रमुख अतिथि नेपाली राजदुताबासका इजरायलका प्रथम सचिव हरिहर कान्त पौडेल ,बिशेस अतिथि एनआरएनए इजरायलका अध्यक्ष दिपक ओली र अतिथिहरुमा इजरायल स्थित संघसंस्थाका प्रतिनिधि र मिडियाकर्मीहरु रहेका थिए भने इजरायल स्थित जातीय संस्थाका अतिथि वा प्रतिनिधि सहभागी थिएन |

नेपाल आदिवासी जनजाती महासंघ इजरायलको गत जुन महिनामा सम्पन्न दोश्रो अधिवेशनमा असन्तुष्टि प्रकट गर्दै नेपाल मगर संघ इजरायल जनजाती महासंघबाट अलग भएको थियो भने माघे संक्रान्तिमा आयोजित कार्यक्रममा मगर संघ इजरायलले जातीय संस्थाहरुलाई निमन्त्रणा गरेपनि  महासंघलाई निमण्त्रणा नगरिएको जानकारी तामाङअनलाइनलाई प्राप्त भएको छ | महासंघको प्रतिनिधित्व नरहेको कार्यक्रममा जाती संस्थाका अध्यक्षहरु पनि नजाने जातीय संस्थाका अध्यक्षहरुको निर्णय अनुसार कोहि पनि कार्यक्रममा नगएको जानकरी आएको  छ |

कार्यक्रममा संस्थाका प्रथम उपाध्यक्ष बिष्णु पुन मगरले स्वागत तथा शुभकामना मन्तब्य राख्नु हुँदै नेपाल आदिवासी जनजाती महासंघको निर्देशनमा इजरायल स्थित जातीय संस्थाका अध्यक्ष तथा प्रतिनिधिहरु कार्यक्रममा उपस्थित नभएकोमा दु:ख ब्यक्त गरेको थियो |संस्थाका निबर्तमान सल्लाहकार मन रानामगर र संघका सचिव चन्द्र पुलामी मगरले माघे सक्रान्तिको बारेमा प्रकाश पारेका थिए |

प्रमुख अतिथि नेपाली राजदुताबासका प्रथम सचिव हरिहर कान्त पौडेलले आदिवासी आदिवासी बिचमै खुट्टा काट्ने प्रवृद्धि बेसी र सहकार्य नदेखिएको भन्दै  विदेशमा रहँदा सबै नेपालीहरु मिलिजुली बस्नुपर्ने र माघे संक्रान्ति पर्वले एकआपसमा सद्भाव ,मित्रता कायम गर्न सहयोग मिल्ने बताउनु हुँदै माघे संक्रान्तिको शुभकामना व्यक्त गर्नु भएको थियो |
बिशेष अतिथि एनआरएनए इजरायलका अध्यक्ष दिपक ओलीले माघे संक्रान्तिको शुभकामना व्यक्त गर्दै मगर समुदायलाई एक्लो पारेर आदिबासी जनजातीको उद्देश्य पुरा नहुने र सबै जनजाती एक हुनुपर्ने बताएका थिए |
कार्यक्रममा मगर पहिचान झल्काउने कौडा निर्त्य ,थाली निर्त्य लगायत बेजोड नृत्य तथा गायनको साथमा कमेडी समेत प्रस्तुति गरेका थिए |
रात्रि भोज सहितको कार्यक्रममा तरुल,सेलरोटी,बारा(बटुक ),गोर्खे चट्नी संगै विभिन्न परिकारको ब्यवस्था रहेको थियो | कार्यक्रममा इजरायलली नागरिकहरु समेत सहभागी थिए |

अन्तमा  कार्यक्रमका सभापति संस्थाका अध्यक्ष बसन्त राजकोटी मगर समुदायहरुको राष्ट्रिय प्रमुख सांस्कृतिक महान पर्ब माघे संक्रान्तिको शुभकामना व्यक्त गर्दै आफ्नो कामलाई थाति राखी समय मिलाएर कार्यक्रमलाई प्रत्यक्ष तथा अप्रत्यक्षरुपमा आर्थिक, भौतिक, नैतिक सहयोग गर्नुहुने सम्पूर्ण इजरायलबासी मगर लगायत नेपालिम दाजुभाइ तथा हार्दिक धन्यबाद प्रकट गर्दै कार्यक्रम समापन भएको घोषण गरेका थिए |

तारा काउचा मगर संयोजक रहेको कार्यक्रम राम थापा मगर र काली पुन मगरले कुशलतापुर्वक संचालन गरेका थिए |

(कार्यक्रमको भिडियो क्लिप्स्)