हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

केपी ओलीलाई गृहनगरकै वासिन्दाले लगाए विकास विरोधीको आरोप

पुस २८, २०७३ दमक : नेकपा एमालेका अध्यक्ष केपी शर्मा ओलीले गृहनगर दमकमा आदिवासी रंगशालाको विषयमा दिएको अभिव्यक्तिप्रति आदिवासी जनजाति समुदायले विरोध गरेका छन्। गत सोमबार दमकमै आयोजित कार्यक्रममा उनले लखनपुर–१ मा रहेको रंगशालाको नाम कुनै हालतमा आदिवासी रंगशाला नहुने र त्यसको नाम मदन भण्डारी रंगशाला रहने विरोध भएको हो।

आदिवासी रंगशाला तथा स्मृति प्रतिष्ठानले बिहीबार दमकमा पत्रकार सम्मेलन गर्दै ओलीले दिएको अभिब्यक्ति प्रति आपत्ति जनायो। प्रतिष्ठानका महासचिव धिरेन सुब्बा लावतीले सात सय बढी आदिवासीको चिहान उत्खनन् गरी निर्माण सुरु गरिएको रंगशालामा राजनीति नगर्न ओलीलाई सुझाए। उनले भने, ‘आदिवासीको नाममा राजनीति नगर्नुस्, कुनै पनि हालतमा हामी नाम परिर्वत गर्न दिदैनौं, यदि जबर्जस्ती नाम परिवर्तन गरे यसको परिणाम नराम्रो हुन्छ।’ आदिवासी जनजाती महासंघका झापा अध्यक्ष पारस राईले ओलीको अभिव्यक्तिले आदिवासीको पहिचान र आत्मसम्मानमा चोट पुगेको बताए। उनले भने,‘ आदिवासी यो देशका जनता होइनन्, के आदिवासीका नाममा विकास निर्माणका काम नै हुदैन?’ आदिवासी रंगशालामा हमला गरे जस्तोसुकै संघर्षमा उत्रन तयार रहेको राईले बताए।

आदिवासी रंगशाला तथा स्मृति प्रतिष्ठानका सदस्य दिपेनबाला राईले ओली एकात्मकवादी र संकीर्ण सोचको भएको बताए। ओली प्रधानमन्त्री भएको समयमा युवा तथा खेलकुद मन्त्रालयले यो रंगशालाको स्तर उन्नतिका लागि आएको ४० लाख रकम समेत रोकेको आरोप लगाए। उनले भने,‘ आर्थिक बर्ष २०७२/२०७३ मा सरकारले विनियोजन गरेको बजेट समेत ओली प्रधानमन्त्री भएपछि रोकिदिए, हामी पटक–पटक बजेट माग गर्न जाँदा प्रधानमन्त्रीको ठाडो निर्देशनमा रोकेको जानकारी पायौं।’ ओलीले आफ्नै निर्वाचन क्षेत्रको विकास हुने कुरामा समेत बाधा गरेको उनले गुनासो गरे। लखनपुरमा रहेको रंगशालाको नाम २०६५ सालमा नै आदिवासी रंगशाला भनेर नेपाल सरकारको रातो किताबमा समावेश भइसकेको रंगशाला प्रतिष्ठानका पदाधिकारीहरु बताउँछन्।

तत्कालिन समयमा आदिवासी जनजातिहरुको करिब ७४५ वटा समाधीहरु उत्खनन् गरेर नेपाल सरकारले आदिवासीको नाममा रंगशाला बनाइदिने भनेको थियो। हालसम्म रंगशालाको सम्याउने र घेराबारा गर्ने काम सम्पन्न भइसकेको छ। आर्थिक वर्ष २०६७/६८ मा विनियोजन भएको १ करोड बजेटले रंगशाला सम्याउने र आर्थिक वर्ष २०७०/७१ मा विनियोजन भएको १ करोड ५० लाख रकमले घेराबारा गर्ने काम सम्पन्न भएको निर्माण समितिले जनाएको छ। आर्थिक वर्ष २०७२/०७३ मा रंगशालाको नाममा विवाद आए पछि केही काम हुन सकेको छैन। यस्तै ओलीले सोमबार दमकमा आकाशे पुल उद्घाटन कार्यक्रममा रंगशालाको नाममा जातीय राजनिती गर्न खोजेको आरोप लगाएका थिए। कार्यक्रममा यस्तो अभिब्यत्ति दिएपछि नेपाली कांग्रेसकी सांसद महेन्द्राकुमारी सुब्बाले माइक्रोफोन खोसेर ओलीको प्रतिवाद गरेकी थिइन्। @ थाहखबर |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution