तेलअविव – नेपालको विभिन्न भेगबाट बैदेशिक रोजगारको क्रममा इजरायलमा कार्यरत तमु समुदायहरुको जातीय संस्था तमु समाज इजरायल द्वारा तमु च्य ल्हो (चरा वर्ग) ल्होसार /ल्होछार – २०१६ तेलअविव इजरायलमा ३० डिसेम्बर (शुक्रबार)साँझ भव्यताको साथ सम्पन्न गरेको छ |

संस्थाका अध्यक्ष डिक कुमार गुरुङको सभापतित्वमा भएको कार्यक्रमका प्रमुख अतिथि नेपाली राजदुतावास इजरायलका द्धितिय सचिव आस्था सुब्बा राई,विशिष्टअतिथि इजरायल भ्रमणमा रहनु भएका नेपाल सरकारका सामान्य प्रशासन मन्त्री केशव कुमार बुढाथोकी,बिशेषअतिथिहरुमा नेपाल आदिबासी जनजाती महासंघ इजरायलका अध्यक्ष निर्मला गुरूङ , एनआरएनए इजरायलका अध्यक्ष दिपक वली ,अतिथिहरुमा इजरायलस्थित विभिन्न संघसंस्थाका अध्यक्षहरु र अनलाइनमिडियाकर्मीहरु रहेका थिए |

शुभकामना मन्तव्यका कार्यक्रममा प्रवासमा आफ्नो संस्कृतिलाई निरन्तर दिंदै  इजरायलमा बसोबास गर्ने तमुहरु लगायत सबै नेपाली दाजुभाइ तथा दिदीबहिनीहरु उपस्थित भई  ल्होसार कार्यक्रम मनाएको देख्न पाउँदा खुशी लागेको बताउनु भएको थियो | प्रमुख अतिथि आस्था सुब्बा  राईले आफ्नो पनि च्य ल्हो /चरा बर्ग नै भएको जानकारी गराउनु हुँदै संसारको जुन सुकै ठाउँमा रहेपनि आ-आफ्नो भाषा ,कला र संस्कृतिलाई संरक्षण गर्नुपर्ने बताउनु हुँदै कार्यक्रम आयोजकलाई धन्यवाद व्यक्त गर्नु भएको  थियो |साथै  बिशेष अतिथिहरु निर्मला गुरुङ,दिपक वली लगायतकाले  शुभकामना व्यक्त भएको थियो |

इजरायलमा  इजरायलबासी नेपाली दीजुभाइ  तथा दिदीबहिनीहरुको उल्लेख्य सहभागी  रहेको थियो । एकआपसमा ल्होसारको शुभकामना आदन प्रदान गर्नुका साथै सांगीतिक मनोरन्जन र रात्रिभोज संगै हर्ष उल्लासका साथ ल्होसार पर्ब मनाएका छन् |

कार्यक्रमका सभापति डिक कुमार गुरुङले ल्होसारको शुभकामना व्यक्त गर्नुका साथै कार्यक्रमलाई सफल पार्न उपस्थित सम्पूर्ण महानुभाव लगायत प्रत्क्षय र अप्रत्क्षय रुपमा सहयोग पुर्याउनु हुने सबैलाई धन्यवाद आभार व्यक्त गर्नु भएको थियो |

कार्यक्रमको भिडियो क्लिप्स्