अधिबेसन उद्घाटनको लागि सामान्य प्रशासन मन्त्रि केशबकुमार बुढाथोकी इजरायल आईपुगे
तेलअविव,२९ डिसेम्बर |नेपाली कांग्रेस पार्टीको प्रवास भातृ संगठन नेपाली जनसम्पर्क समिति इजरायलको ऐतिहासिक प्रथम अधिबेसन ३० डिसेम्बर २०१६ शुक्रबार हुने उद्घाटन समारोहको लागि नेपालबाट प्रमुख अथितिको रुपमा नेपाली कांग्रेसका प्रभावशाली केन्द्रिय सदस्य तथा नेपाल सरकारका सामान्य प्रशासन मन्त्रि केशबकुमार बुढाथोकी आफ्नु धर्मपत्नी गीतादेवी बुढाथोकी , छोरी ममता खत्री र नेपाली कांग्रेसका युवा नेता तथा कीर्तिपुर नगर समितिका सभापति कृष्णमान डंगोल बुधबार बेलुका करिब ११ बजे तेलअविव इजरायल आईपुग्नु भएको छ |
वहाँलाई स्वागत गर्नको लागि जनसम्पर्क समिति इजरायलका सभापति दीपेन्द्र थापा लगायतका पदाधिकारीहरु बेन्गुरिएन एयरपोर्ट पुग्नु भएको थियो | भोलि साँझ ४ बजे देखि सुरु हुने समारोहलाई मन्त्रि बुढाथोकी लगायत कांग्रेसका युवा नेता तथा कीर्तिपुर नगर समितिका सभापति कृष्णमान डंगोलले सम्बोधन गर्ने र इजरायल भ्रमणमा रहदा मन्त्रि बुढाथोकीले इजरायल सरकारका उच्च पदाधिकारीहरु संग उच्चस्तरीय राजनैतिक भेटघाट गर्ने समितिका सभापति दीपेन्द्र थापाले तामाङअनलाइनलाई जानकारी दिनु भएको छ |
मन्त्रि बुढाथोकी जनवरी ४ मा स्वदेश फिर्ता हुने कार्यक्रम रहेको छ | तेलअविव स्थिति नेपाली राजदुतावासले मन्त्रीको सम्मानमा ३१ डिसेम्बर (शनिबार) एक कार्यक्रम राखेको जानकारी पनि सभापति थापाले दिनु भएको छ |
कार्यक्रम
मिति – ३० डिसेम्बर २०१६
स्थान – रिडीम क्रिश्चियन चर्च अफ गड , हार्चियोन ३ ,तेलअविव ,इजरायल
समय – बेलुकी ४ बजे देखि ११ बजे सम्म |
