हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

पूर्वराजा ज्ञानेन्द्रको विज्ञप्तिप्रति नयाँ शक्तिको आपत्ति (विज्ञप्तिसहित)

naya-shakti

काठमाडौं, ७ पुस । नयाँ शक्ति नेपालले पूर्वराजा ज्ञानेन्द्र शाहले बुधबार जारी गरेको विज्ञप्तिप्रति आफ्नो गम्भीर ध्यानाकर्षण भएको जनाएको छ । ज्ञानेन्द्रको विज्ञिप्तिलाई ‘प्रतिगामी तथा पुनरुत्थानवादी हर्कत’ भन्दै पार्टी प्रवक्ता खिमलाल देवकोटाले बिहीबार विज्ञप्ति जारी गरेका हुन् ।

‘सुशासन, विकास र समृद्धिको जनचाहनाविपरित शान्ति स्थिरता र विकासको सट्टामा पुराना दलहरु नानीदेखि लागेको बानी भने झैं फगत कुुर्सीको झगडामा चुर्लुम्म डुबेको मौका छोपी ज्ञानेन्द्र शाहद्वारा ‘पूर्व श्री ५ महाराजधिराज ज्ञानेन्द्र वीर विक्रम शाहदेवद्वारा जारी गरिबक्सेको प्रेस विज्ञप्ति’ शिर्षक दिइएको उक्त प्रेस विज्ञप्तीप्रति हाम्रो गम्भिर ध्यानाकर्षण भएको छ,’ देवकोटाद्वारा जारी विज्ञप्तिमा भनिएको छ ।

जनयुद्ध, जनआन्दोलन, मधेश आन्दोलन, थारुलगायत जनजाति आन्दोलन र सबै खाले अधिकारप्राप्तिका लागि भएका आन्दोलनको कुनै पनि तरिकाले अपमान गर्ने तथा अवमूल्यन गर्ने कुरा आफूहरु र नेपाली जनतालाई मान्य नहुने प्रवक्ता देवकोटाले उल्लेख गरेका छन् ।

यस्तो छ विज्ञप्ति:

प्रतिगामी तथा पुनरुत्थानवादी हर्कतका विरुद्ध नया शक्ति पार्टी नेपालको प्रेस विज्ञप्ती

सुशासन, विकास र समृद्धिको जनचाहना विपरित शान्ति स्थिरता र विकासका सट्टामा पुराना दलहरु नानीदेखि लागेको बानी भने झैं फगत कुुर्सीको झगडामा चुर्लुम्म डुबेको मौका छोपी ज्ञानेन्द्र शाहद्वारा पुर्व श्री ५ महाराजधिराज ज्ञानेन्द्र वीर विक्रम शाह देवद्वारा जारी गरिबक्सेको प्रेस विज्ञप्ति शिर्षक दिइएको उक्त प्रेस विज्ञप्तीप्रति हाम्रो गम्भिर ध्यानाकर्षण भएको छ । नेपाली जनताको भारी अभिमतमार्फत संविधानसभाबाटै विधिवत अन्त्यभै मसानघाटमा पुगेको राजतन्त्रको भूतले घुमाउरो पाराले आफूलाई स्थायी र लौकिक सत्ताको दावा गर्दै धुमिल हुन पुगेको, हिमाल, पहाड र तराई टुक्र्याउन खोजिएको जस्ता प्रतिगामी प्रतित हुने अभिव्यक्तिसहितको उक्त विज्ञप्ती नेपाली जनताको लामो संघर्ष त्याग र बलिदानको अपमान त हुँदै हो, नेपाली जनताको परिवर्तनको चाहनाप्रतिको खुला चुनौती पनि हो भन्ने हामी ठान्दछौ ।

धमिलो पानीमा माछा मार्न पल्केका प्रतिगामी तथा पुनरउत्थानवादीहरु र परिवर्तनको मर्म एवं जनचाहनालाई तिलाञ्जली दिँदै निहित कुर्सीको लोभमा सति जाने परम्परागत राजनैतिक दलहरु दुवै नेपाली जनताको परिवर्तनको चाहना र विकास समृृद्धिको अभिलाषाका वाधक तत्वहरु हुन भन्ने कुरा अब दिनको घाम झैं छर्लङ्ग भएको छ ।

विगत ७० वर्षदेखिको नेपाली जनताको चाहना, सोका निम्ति जनताको त्याग बलिदान र उत्सर्गको परिणामस्वरुप प्राप्त गणतन्त्र संघीयता धर्मनिरपेक्षता र समानुपातिक समावेशी लोकतन्त्र अब नेपाली राजनीतिको आधारभूत मान्यता भैसकेको छ । उक्त विज्ञप्ती नेपाली जनतामा निहित सार्वभौमसत्ता नेपालको संविधान र संविधानले संस्थागत गरेका आधारभूत मान्यताकै विपरित छ । यी आधारभूत मान्यताका विरुद्ध गरिने कुनै पनि हर्कत राज्य विरुद्धका अपराधका रुपमा परिभाषित गर्न पर्दछ भन्ने हामी ठान्दछौँ ।

कुनै पनि बहानामा जनयुद्ध, जनआन्दोलन, मधेश आन्दोलन, थारुलगायत जनजाति आन्दोलन र सबै खाले अधिकारप्राप्तिका लागि भएका आन्दोलनहरुका विरुद्ध कुनै पनि तरिकाले अपमान गर्ने अनादर गर्ने र तिनको अवमूल्यन गर्ने कुरा नयाँ शक्ति, पार्टी र नेपाली जनता कसैलाई पनि मान्य हुने छैन । यस्ता अभिव्यक्ति र कुनै पनि खाले हर्कतको हामी घोर भत्र्सना र निन्दा गर्दछौं । यस खाले अभिव्यक्ति र हर्कत बन्द गर्न चेतावनी पनि दिन चाहन्छौं । साथै यस खाले हर्कतको सामना गर्ने तागत परम्परागत राजनैतिक दलहरुले तुच्छ सत्ता स्वार्थका कारणले गुमाईसकेको यस घडीमा वैकल्पिक शक्तिका रुपमा उदियमान जनताको शक्ति नयाँ शक्ति पार्टी, नेपाल दृढतापुर्वक सामना गर्न तत्पर छ । यसका लागि सबै अग्रगामी परिवर्तनका पक्षधर नेपाली जनतामा आग्रह गर्दछौं । सबैखाले प्रतिगामी हर्कतहरुका विरुद्ध एकतावद्ध भै शान्ति स्थिरता र सुशासनका जगमा आर्थिक समृद्धिको मार्गमा लामबद्ध हुन हामी विशेष आग्रह समेत गर्दछौं ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution