नेपाल आदिवासी जनजाति महासंघको “पहिचान र अधिकारसहितको संघीयता आदिवासी जनजातिको अडान ! अपुरो र अधुरो संविधान संशोधनको लागि हाम्रो साझा अभियान ” मूल नारा सहितको नवौं राष्ट्रिय महाधिवेशन  भव्यताका साथ  सम्पन्न भएको छ |

 महाधिवेशनबाट सबै पदको लागि निर्वाचन प्रक्रियाबाट नयाँ कार्यसमितिको चयन भएको छ   | जसअनुसार अध्यक्षमा जगत बहादुर बराम ३१ मतका साथ निर्वाचित हुनु भएको छ | वहाँको प्रतिद्वन्ति सुर्यबहादुर भुजेलले २३ मत ल्याएका थिए |

यसैगरी ७ जना उपाध्यक्षहरुमा किरण सुनुवार, गणेश लाल थकाली,गोबिन्द छन्त्याल ,नबिन रोकामगर,लोक बहादुर दुरा , श्याम प्रसाद मण्डल र सोनाम लामा वालुङ निर्वाचित भएका छन् | उपाध्यक्ष पदको लागि १४ जनाको उम्मेदारी परेको थियो | महिला उपाध्यक्षमा कृष्ण कुमारी शेरचन र महासचिवमा नित्यानन्द ताजपुरीय ३७ मतका साथ निर्वाचित भएका छन् | महासचिवका प्रतिद्वन्ति टासी ह्योल्मोले १५ मत ल्याएका थिए |

यसैगरी ५ जना पुरुष सचिवहरुमा आङ पासाङ शेर्पा , गोपाल माझि, दान सिंह राउटे,राजकुमार बोटे र सुख बीर थामी निर्वाचित भएका छन् | भने महिला तर्फको ५ जना सचिवहरुमा लाक्पा हिसे शेर्पा, शान्ति देवी धिमाल,सुकमति राजवंशी,सोनाम लामा मुगाली र श्रुतिमाया कुमाल निर्वाचित भएका छन् |

कोषध्यक्षमा मकुन्द बहादुर पहरी निर्वाचित हुनु भएका छन् |