जनजाति महासंघको बन्द सत्र स्थगित
चितवन । नेपाल आदिवासी जनजाति महासंघको बन्द सत्र स्थगित भएको छ । शनिवारदेखि जारी नर्वाै महाधिवेसनमा सदस्यता विवाद र मताधिकारको माग गर्दै दिउँदो प्रदर्शन र नारावाजी भएपछि दिनभर बन्द सत्र हुन सकेन | शनिवार विहान ८ बजे बन्द सत्र सुरु गर्ने आयोजकको तयारी भए पनि प्रतिनिधि चयन र मताधिकारको विषयमा सहमति बन्न नसक्दा दिनभर बन्द सत्र हुन नसकेको हो |
साँझ ५ बजे सुरु भएको बन्द सत्रमा महासचिव पेम्वा भोटे र कोषाध्यक्ष जगतबहादुर बरामले आफ्नो आफ्नो प्रतिवेदन पेश गरे । तर, सो प्रतिवेदनमाथि छलफल भएको छैन ।
भोली विहान दुवै प्रतिवेदनमाथि छलफल गरिने र सो सँगै विधान संशोधनको विषयमा छलफल गरिने महासंघका कोषाध्यक्ष जगतबहादुर बरामले बताए ।