नयाँ शक्ति नेपाल पार्टीको संगठन बिस्तार गर्ने क्रममा देश भित्र चलिरहेको अभियान जस्तै बिदेशमा समेत व्यापक रुपमा कार्यक्रमहरु जारी छ। यसै क्रमम पार्टीको प्रवास संगठन अन्तर्राष्ट्रिय नेपाली समाज फिनल्यान्डको आयोजनमा  प्रवास समितिका संयोजक श्री नवराज सुवेदीको प्रमुख आतिथ्यता तथा सह-संयोजक श्री शंकर भण्डारीको विशेष आतिथ्यतामा समृद्ध राष्ट्र  निर्माण तथा नेपालको आर्थिक बिकासमा नयाँ शक्तिको भुमिका बिषयक खुल्ला अन्तरकृया कार्यक्रम  फिनल्यान्डको राजधानी हेलसिन्की स्थित मेरो नेपाल रेस्टुरेन्टमा सम्पन्न भएको छ |

कार्यक्रममा नेपालबाट पूर्वप्रधानमन्त्री एबम नयाँ शक्ति पार्टीका केन्द्रिय संयोजक डा.बाबुराम भट्टरा ले स्काइपमार्फत सम्बोधन गर्नु भएको थियो ।सम्बोधनको क्रममा बर्तमान राजनीतिक अस्थिरताको कारण नै देशमा भ्रष्टाचार, ढिलासुस्ती लगायत हरेक क्षेत्रमा अस्तब्यस्तता छाएकोले यस्ता समस्या समाधानको लागि सबैभन्दा भरपर्दो विकल्प प्रत्यक्ष निर्वाचित कार्यकारी प्रमुखको ब्यबस्था भएको जनाउदै यस्तो ब्यबस्था नयाँ शक्ति नेपालको प्रमुख मुद्दा रहेको पनि बताउनु भयो । पुराना राजनितिक पार्टीले अब देशलाइ निकास दिन नसक्ने बताउदै उहाँले अब नयाँ शक्तिले बोलिले मात्रै नभई  ब्यबहारिक रुपमै राष्ट्रलाई उन्नतिको बाटोमा लैजाने दाबी गर्नु भयो ।

समाजका फिनल्यान्ड संयोजक विमल वाग्लेले संचालन तथा अध्यक्षता गर्नुभएको कार्यक्रममा  फिनल्यान्डस्थित विभिन्न नेपाली संघ-सस्थाका प्रतिनिधिहरु रहेका थिए | कार्यक्रममा मन्तव्य राख्दै प्रमुख अतिथी सुवेदी तथा विशेष अतिथि भण्डारीले आफुहरु बिकसित नेपालको चाहाना पूरा गर्ने उद्देश्य प्राप्तिको लागि युवाहरुलाई  संगठित पर्ने हेतुले युरोप भ्रमणमा निस्किएको जनाउदै नेपाललाई पनि युरोप जस्तै बिकसित बनाउने अभियानमा साथ दिन उपस्थित सबैलाई  अनुरोध गर्नुभएको थियो ।

कार्यक्रमको पूर्ण लाइभ (LIVE) भिडियो