बैदेशिक रोजगारको लागि इजरायल पठाउने भन्दै ठगी गर्ने  प्युठान  तोर्बाङका ईश्वरीप्रसाद पोख्रेल पक्राउ परेका छन् । महानगरीय प्रहरी अपराध महाशाखाका अनुसार पोख्रेलले  २३ जनालाई इजरायल पठाई दिन्छु भन्दै  एक करोड पाँच लाख रुपैयाँ ठगी गरेको उजुरी परेको बताएको छ ।  उनले शान्ति राई ,सन्दीप दर्नाल, भीमबहादुर दर्जी लगायत २३ जनालाई वैदेशिक रोजगारका लागि इजरायल पठाउने भनी मोटो रकम ठगी गरेको उजुरी परेको थियो |

त्यसै गरी दक्षिण कोरिया पठाउने भनी सुदीपराज पन्तलाई  तीन लाख, रोजन लामालाई राष्ट्रिय अनुसन्धानमा जागिर लगाइदिने नाममा दुई लाख ५० हजार लिएर ठगी गरेको आरोप उनीमाथि छ ।