ह्वाइट वाटर च्यालेन्ज च्याम्पीयको उपाधि सुरज तामाङलाई
मंसिर १५, पोखरा: १५ औ हिमालयन ह्वाइट वाटर च्यालेन्जको उपाधी चितवनका सुरज तामाङ र पोखराका नीम मगरले हात पारेका छन । पोखराको अपर सेती नदीमा सोमबारदेखि बुधबारसम्म भएको कायकिङ प्रतियोगितामा मगर र तामाङले निर्धारित दुरी एकै समयमा पार गरी उपाधी बांडेका हुन ।
नेपाल एशोसियसन अफ ¥याफ्टिङ एजेन्सीज (नारा)को आयोजनामा सम्पन्न प्रतियोगिताको अन्तिम दिन बुधवार आयोजित स्ट्रीम स्ललम अन्तर्गत फाइनल खेलमा झण्डै ९ सय मिटरको दुरी बराबरी समय १ सय ३४ सेकेण्डमा पार गरेर तामाङ र मगरले संयुक्त रुपमा उपाधी बाँडेका हुन् । च्याम्पीयन बनेका मगर र तामाङले नगद ५० हजार र प्रमाणपत्र हात पारे ।
प्रतियोगितामा अमेरिकाका गारेन स्टेफेन र नेपालका प्रकाश गुरुङले निर्धारित दुरी १ सय ३५ सेकेण्डमा पार गर्दै उपबिजेता भए । उपबिजेताहरुले जनही १५ हजार नगद र प्रमाणपत्र प्राप्त गरे । प्रतियोगितामा नेपालका उमेश श्रेष्ठ तेश्रो स्थान प्राप्त गरे । उनले उपाधीका साथ नगद २० हजार र प्रमाण पत्र प्राप्त गरे ।
