तामाङ समाज बहराइनले तामाङ समुदायको  मौलिक पर्व २८५३ सोनाम ल्होछार ज्या ल्हो (चरा बर्ष) आउँदो ०२ फेब्रुअरी २०१७ (बिहीवार) डेलमुन होटेल प्राङ्गणमा साँझ ७:०० बजे देखि भव्यताको साथ मनाउने भएको छ |

 बहराइन राष्ट्रमा स्थापना काल देखि नै सक्रिय रुपमा तामाङ जातिको भाषा,भेषभुषा,धर्म,कला संस्कार संस्कृतिलाई जगेर्ना गर्दै,बहराइनमा अवस्थित सम्पुर्ण नेपाली संघ संस्थाहरु संग हातेमालोका साथ साथै विभिन्न सामाजिक कार्यहरुमा अग्रणी भुमिका निर्वाह र सहकार्य गर्दै आईरहेका यस तामाङ समाज बहराइनले,बिगत बर्षहरुमा झैँ यस बर्ष पनि तामाङ समुदायको मौलिक पर्व २८५३ औं ज्या ल्हो (चरा बर्ष)सोनाम ल्होछार,वैदिक पुजापाठ लगायत विविध साँस्कृतिक मनोरञ्जनात्मक कार्यक्रम गरि भब्य संग मनाउने  २५ नोभेम्बर २०१६ मा बसेको संस्थाका विशेष बैठकद्वारा  निर्णय  गरेको हो |

उक्त ल्होछार पुजापाठ तथा साँस्कृतिक कार्यक्रममा उपस्थित भई  कार्यक्रमलाई सभ्य तथा भब्य रुपमा सफल पारिदिनु हुन बहराइन स्थित सम्पुर्ण सामाजिक संघ संस्था,ब्यबसायी,पत्रकार साथै आम बहराइनबासी नेपाली दाजुभाइ तथा दिदिबहिनीहरुमा बहराइन तामाङ सेवा समाज ले हार्दिक अनुरोधको साथ निमन्त्रणा गरेको छ |

साथै उक्त मितिको आसपासमा कुनै पनि कार्यक्रमहरु नराखी सहयोग गरिदिनु हुन पनि समस्त संघ संस्थाहरुलाई अनुरोध  गरेको  छ |

थप जानकारिको लागि सम्पर्क : हर्क लो तामाङ – ३६८४०९८५,श्रवन मिक्चन तामाङ – ३६०६६४३५,सोनम दोङ तामाङ – ३६१३८२२९
र च्याङ्बा लामा तामाङ – ३६२९४७२५