लस एन्जलस । भारतीय बक्स अफिसमा ऋतिक रोशनको फिल्म त्यती सफल नभएपनि सुन्दरताको मामिलामा उनले बलिउडका अन्य कलाकारलाई पछाडि पारेका छन् । ऋतिक रोशन विश्वकै ह्यान्डसम मानिसको शीर्ष १० को सूचीमा परेका छन् । उनी बाहेक शीर्ष १० मा बलिउडबाट सलमान खान पनि परेका छन् । सलमान खान सातौं नम्बरमा छन् । ऋतिक रोशन तेस्रो स्थानमा छन् । सूचीको पहिलो स्थानम हलिउडका नायक टम क्रुज छन् । दोस्रो स्थानमा बेलायतका मोडल तथा कलाकार रोबर्ट प्याटिसन परेका छन् ।

शीर्ष १० मा परेका पुरुष मध्ये ५ जना ४५ भन्दा कम उमेरका छन् । शीर्ष १० को दसौं स्थानमै परेका अमेरिकी अभिनेता बिली उगेरको उमेर २१ वर्ष मात्रै छ । पहिलो स्थानमा पर्न टम क्रुजको उमेर सबै भन्दा बढी अर्थात ५४ वर्ष छ । यो सूची वल्र्डसटपमोस्ट डट कम वेबसाइटले सार्वजनिक गरेको हो ।

शीर्ष १० मा पर्ने कलाकारको सूची

१. टम क्रुज– हलिउडका नायक तथा निर्माता क्रुज ५४ वर्षको उमेरका बावजुद उनको व्यक्तित्व महिलालाई मन पर्ने गरेको छ । टम विश्वकै सर्वाधिक धनी अभिनेता पनि हुन् ।

२. रोबर्टै प्याटिसन– ३० वर्षका प्याटिसन बेलायती मोडल तथा अभिनेता हुन् । उनी गीतको कम्पोज पनि गर्छन् । हालसम्म उनको विवाह भएको छैन ।

३.ऋतिक रोशन– बलिउडका अभिनेता ऋतिक रोशन ४२ वर्षका छन् । महिलाले उनको उचाइलाई धेरै मन पराउने गरेका छन् । उनलाई खासगरी ‘ग्रिक गड अफ बलिउड’ भन्ने गरिएको छ ।

४. जोनी डेप– ५३ वर्षका डेप अमेरिकी अभिनेता हुन् । उनीमा उमेरको असर खासै देखिएको छैन ।

५. टम हिडलस्टन– ३५ वर्षका टम बेलायती अभिनेता हुन् । उनी महिलामाझ उज्यालो मुहार र राम्रो उचाइका कारण लोकप्रिय छन् ।

६.उमर बोरकान अल गाला– गालाको उमेर २७ वर्षको मात्रै छ । उनी मध्यपूर्वका देशमा चर्चित छन् । महिलाहरु उनको फ्यान रहदै आएका छन् । एक फ्यानले उनलाई कार पनि उपहार दिइसकेकी छन् ।

७. सलमान खान– ५१ वर्षका सलमान खान बलिउड नायक र निर्माता पनि हुन् ।

८. ब्राड पीट– पिट बलिउड सेलिब्रिटी तथा अभिनेता हुन् । उनी राम्रा कलाकार पनि हुन् ।

९. ह्यू ज्याकम्यान– उनी अस्ट्रेलियन अभिनेता हुन् । उनको उमेर ४८ वर्ष पुरा भएको छ ।

१०. बिली उगेर– २१ वर्षका बिली अमेरिकी अभिनेता हुन् । उनी ह्यान्डसम पुरुषको शीर्ष १० मा पर्ने मध्ये सबै भन्दा कान्छा हुन् । राम्रो अनुहारका कारण उनी महिलाहरुमाझ लोकप्रिय छन् ।

@एजेन्सी