-सन्तवीर मोक्तान तामाङ

मङ्सिर – ८ , धनकुटा÷ नेपाल शेर्पा संघ धनकुुटाका अध्यक्ष प्रेम साङ्गे शेर्पाको ५२ वर्षको उमेरमा मंगलावार दुःखद निधन भएको छ । नेपाल आदिवासी जनजाति महासंघ जिल्ला समन्वय परिषद, धनकुटाका परिषद सदस्य समेत रहेको शेर्पा लामो समय देखी झण्डिसको विरामवाट पिडित थिए । उनी केही दिन अघि धरान स्थित् विजयपुर हस्पिटलमा जण्डिसको उपचार गरिहेका थिए ।

जण्डिसको उपचार गराउने क्रममा शेर्पाको शरिरमा एक्कासी रगतमा हेमो ग्लोविनको मात्रा कम देखिए पछि ८ पाउण्ड रगत दिएको विजयपुर अस्पतालका म्यानेजिङ्ग डाईरेक्टर इन्दु नेपाल योञ्जन तामाङले जानकारी दिएका छन् । उनले रगत दिएको केही दिनमा दिशामा पनि रगत देखिए पछि अस्पतालमा इन्डिस्कपी गर्ने तयार गर्दा गदै शेर्पा मानसिक सन्तुलन गुमाएर उपचार कक्ष धरानवाट अचानक भागेर आफ्नो घर धनकुटाको जोरपाटी पुगेका थिए ।

उपचार नै डक्टरको सल्लाह अनुसार पुरा नगरी घर भागेका शेर्पा घर पुगे पछि एक्कासी, जे पायो त्यही वोल्ने, हामीलाई मार्छन, भाग्नु पर्छ भन्ने, एक्कै स्थानमा नवस्ने विराम लागेको शेर्पाका श्रीमती कान्छी शेर्पाले ब्लाष्टलाई वताइन । धरानवाट भागेर घर आए पछि एकैछिन पनि घरमा नवसेको जताततै भागेर राती पनि हिडेको हिडेकै गरेको श्रीमती कान्छी शेर्पाले वताईन ।

घरमा वस्दा पनि चुपलागेर नवस्ने लामा पढ्ने, वेद वोकेर हिड्ने गरेको गरेको शेर्पाका श्रीमती कान्छी शेर्पाले वताईन । उनले विरामी मान्छे त्यो पनि चिसोमा राती हिड्दा हिड्दा शरिर भरी चोट लागेर धेरै कम्जोरी भएकै वेला अचानक वाहिर निस्कन खोज्दा मंगलवार १० वजे राती आफ्नै भान्सा घरको क्षतवाट झरेर पति प्रेमसाङ्गे शेर्पा गम्भिर घाईते भएको वताईन । उनले उपरचारको लागी तत्तकाल जिल्ला अस्पताल धनकुटा ल्याउने क्रममा वाटैमा ज्यान गएको वताएकी छन् । शेर्पाको १८ र १६ वर्षका दुई भाई छोरा छन् ।

वुधवार अपरान्ह जिल्ला अस्पताल धनकुटामा पोष्टमार्टम गरी शेर्पाको मृतशरिरलाई परेवादिन गाविसको सिधुवा वजार स्थित् फुर्चिलिङ्ग गुम्वामा लगेर राखीएको छ । उनको वौद्ध परम्परा अनुसार साईत हेरेर दाहसंस्कार गरीने परिवारि श्रोतले जनाएको छ । उनी सिधुवा वजारमा रहेको फुर्चिलिङ्ग गुम्वा व्यावस्थापन समितिका सल्लाहकार समिति सदस्य समेत रहेका थिए भने तांखुवा गाविस वडा नं.९ स्थित् फलैंचामा रहेको आङ्गतेन्जीङ्ग ड्राईभिङ्ग सेन्टरका प्रोपाईटर समेत रहेका थिए ।