अमिर योञ्जन
मंसिर ८, काठमाडौं: नुवाकोटका दुबै मृगौला पीडित सुन बहादुर तामाङलाई छ लाख आट्ठारा हजार सात सय अठासी रुपैयाँको चेक हस्तान्तरण गरेको छ । नेपाल सरकारका सहरी विकास मन्त्री अर्जुन नरसिं केसीको प्रमुख आतिथ्यमा सुस्मीता फाउण्डेशनका अध्यक्ष सुस्मीता तामाङले हस्तान्तरण गरेको हो ।

देश विदेशबाट फाउण्डेशनको खातामा संकलित भएको रकम चेकद्धारा हस्तान्तरण गरेको अध्यक्ष सुस्मिताले बताए । कार्यक्रममा मन्त्री केसीले बचाऔं अभियान चलाएर यो ठूलो रकम संकलन गरी दिइएकोमा संस्थाको प्रशंसा गरेका थिए ।

कार्यक्रममा बिरामी तामाङको सुस्वास्थ्यको कामना गर्दै कलाकार बिकु थोकरले जनताले भोट दिइएको नेताले जनताको काममा सहकार्य र सहयोगी हुनुपर्ने बताएका छन् । थोकरले भने, नेताहरले ‘बोलेर हैन, काम गरेर देखाउनु पर्ने बताए ।’

कार्यक्रममा औपचारिक कार्यक्रम सकिएपछि साँस्कृतिक कार्यक्रममा गरेको थियो । साँस्कृतिकमा तामाङ सेलो, म्हेन्दोमाया लगायतका कलाकारहरुले प्रस्तुति दिइएको थियो ।

सुस्मिताले देश विदेशमा रहेको आम सहयोगि हातहरुप्रति धन्यवादन ज्ञापन गरेका थिए । फाउडेशनको अभियानलाई साथदिने शुभेच्छुकहरु प्रति कृतज्ञता ज्ञापन गर्दै सहकार्य सदैव गरिरहने बताए ।

कार्यक्रममा तामाङ सांसाद दिलमान पाख्रिन, भूपु सैनिक मञ्चका अध्यक्ष दोर्जे बहादुर गुरुङ, कृष्ण बहादुर धिताल, तामाङ चलचित्र म्लाङ प्वाँहारका निर्माता बिकु थोकर लगायतको अतिथिहरु उपस्थिति थियो ।

काठमाडौंमा विमला सम्मानित

अमेरिकामा कराते प्रतियोगीतामा स्वर्ण पदक विजेता विमला तामाङलाई काठमाडौंमा सम्मान गरेका छन् ।
तामाङलाई सुस्मीता फाउण्डेशनले सुनबहादुर बचाऔं अभियानमा संकलित रकम हस्तान्तरण गर्ने कार्यक्रममा पदक विजेतालाई सम्मानपत्रद्धारा सम्मान गरेका हुन् । तामाङको यो अन्तराष्ट्रिय प्रतियोगिताको दोस्रो पदक हो । साथमा मन्देकाजी श्रेष्ठ र मुकुन्द महर्जनलाई पनि सम्मान गरेको थियो ।

तामाङले अमेरिकामा भएको फिका इन्टरनेशनल ओपन कराते च्याम्पियनसिपमा नेपालको तर्फबाट सहभागी भई स्वर्ण पदक जितेका थिए । उक्त प्रतियोगितामा नेपाल लगायत अमेरिकाको विभिन्न राज्य, पुर्टिरिका, इक्वेडर, मेक्सिको र डोमेनिक रिपब्लिक गरी साढे तीन सय खेलाडीहरुको सहभागीता थियो । तामाङ १७ औं एसियाड दक्षिण कोरियामा रजत पदक नेपालको तर्फबाट जितेका थिइन् । र नेपाललाई पदक विहीनबाट बचाएका थिइन् ।