काठमाडौं । राष्ट्रिय जनमोर्चाका अध्यक्ष एवं पूर्व उपप्रधानमन्त्री चित्रबहादुर केसी दुर्घटनामा परेका छन् । बुधबार दिउसो करिब तीन बजेतीर मैतिदेवीबाट कपन जाँदै गर्दा अध्यक्ष केसी चावहिलमा दुर्घटनामा परेका हुन् । केसीको टाउको र ढाडमा चोट लागेको उनका भतिज हिरा केसीले जानकारी दिए । अध्यक्ष केसी अहिले हिंड डुल गर्न नसक्ने भएका छन् । उनको हाल सिनामंगलस्थित केएमसि अस्पतालमा उपचार भइरहेको छ ।

यसरी भएको थियो दुर्घटना

बुधबार दिउसो अध्यक्ष केसी पार्टी कार्यलय कपन जानका लागि माइक्रो बस चढेका थिए । गाडी चावहिल पुग्दै थियो । उनी ढोका छेउको सिटमा बसेका थिए । गाडी मोडमा पुग्यो । तर सह–चालकले माइक्रोको ढोका नलगाएको हुँदा केसीले मोडमा माइक्रोको गतीलाई थेग्न सकेनन् र उनी भुईंमा पछारिए । त्यसपछि उनलाई तत्काल उपचारका लागि केएमसि अस्पताल सिनामंगल पुर्याइयो ।

उपप्रधानमन्त्री समेत रहिसकेका जनमाेर्चा अध्यक्ष केसी सामान्य जीवनशैली अपनाउँछन् र सार्वजनिक सवारीसाधनमा नै यात्रा गर्ने गर्दछन् ।