फेसबुकमा मिसेल ओबामालाई ‘हिल लगाएको चिम्पान्जी’ भनेपछि जागिर चट
अमेरिकामा पश्चिम भर्जिनियामा कर्यारत एक अधिकारीले अमेरिकी फस्ट लेडी मिसेल ओबालाई ‘चिम्पान्जी’को संज्ञा दिएपछि उनले जागिरबाट हात धुनुपरेको छ ।
अमेरिकाकाे क्ले कन्ट्री डेभलपमेन्ट कर्पोरेशनमा निर्देशक रहेकी पामेला राम्से टेलरले अमेरिकी राष्ट्रपतिको निर्वाचनपछि मिसेल ओबामालाई लक्षित गर्दै फेसबुकमा स्टाटस लेखेकी थिइन ।
जसमा टेलरले भनेकी थिइन, ‘अब ह्वाइट हाउसमा स्तरीय, सुन्दर र मर्यादित फस्र्ट लेडीको आगमन हुँदा आनन्दित हुनेछु । एक चिम्पान्जीलाई हिलमा देख्दा म थकित भइसके ।’टेलरले मिसेललाई ‘चिम्पान्जीले हिल’ लगाएको संज्ञा दिएकी थिइन् । टेलरको फेसकुब स्टाटसले अमेरिकी काला जातिहरुलाई अपमान गरेको भन्दै उनलाई जागिरबाटै हटाइएको हो । टेलर भने गोरा जातिकी हुन् ।
डोनाल्ड ट्रम्पले अमेरिकी राष्ट्रपतिको निर्वाचन जितेपछि अब मेलानिया अमेरिकी प्रथम महिला बन्नेछिन् ।टेलरको फेसबुक स्टाटसको तिब्र विरोध भएपछि उनले क्षमा माग्दै फेसबुक स्टाटस भने हटाएकी छन् ।
यतिमात्रै होइन, टेलरको स्टाटसमा कमेन्ट गर्ने त्यहाँका मेयरले समेत जागिरबाट राजीनामा गर्नुपरेको छ । मेयर बेभ्र्ली ह्वालिङले टेलरको स्टाटसको समर्थन गर्दै कमेन्टमा ‘जस्ट मेड माई डे पाम’ लेखेका थिए ।यी दुवै ट्रम्पको समर्थक भएको र उनको जीतमा खुशीयाली मनाइरहेका थिए ।@ एजेन्सी ।
