नेपाली संङघीय समाज,इजरायल द्वारा आउँदो  अंगेजी नयाँ बर्ष २०१७ को शुभअवसरमा इजरायलवासी नेपाली दिदीबहिनी तथा दाजुभाईहरु विच एक आपसमा शुभकामना आदान-प्रदान गर्ने उद्धेश्यका साथ “सदभाव मित्रता भ्रमण २०१७” इजरायलको अतिनै रमणीय पर्यटकीय भ्रमणस्थल खर्मोंनमा  १४ जनवरी २०१७ (शनिबार) भ्रमण कार्यक्रम आयोजन गर्ने भएको छ |

 नेपाली संङघीय समाज,इजरायलका अध्यक्ष सुन्दरसिहं लामा तामाङको अध्यक्षतामा बसेको चौथो नियमित बैठक द्वारा  प्रथम उपाध्यक्ष लिला थापा मगरको संयोजकत्वमा भ्रमणको लागि तय गरिएको  संगठनकी  कावा महासचिव  अनिला मोक्तान तामाङले तामाङअनलाइनलाई जानकारी दिनु भएको छ |

हिउँ खेल्ने सुबर्णअवसरका लागि  प्रथम ऐतिहासिक भ्रमण कार्यक्रममा सहभागी हुनाको लागि इजरायलस्थित विभिन्न संघसंस्था,संगठन र अनलाईन मेडियाका अगुवा समाजसेवी,बुद्धिजीबी वर्गहरुले उक्त तिथि, मिति र समयमा कार्यक्रम नजुधाई दिनु हुना समेत संगठनले  विनम्रपुर्वक अग्रिम हार्दिक अनुरोध आग्रह गरेको छ |

भ्रमणकार्यमा लाग्ने शुल्क र समय यथासिघ्र आगामी दिनमा निर्धारित गर्ने जानकारी  दिएको छ |  इजरारायलवासी सम्पूर्ण नेपाली दिदीबहिनी तथा दाजुभाईहरुको सहयोग र साथको हार्दिक अपेक्षा  राखेको   संगठनले बताएको छ |

नेपाली संङघीय समाज,इजरायल द्वारा आयोजित प्रथम ऐतिहासिक “सदभाव मित्रता भ्रमण २०१७”मा सहभागी सम्पूर्ण यात्रु महानुभावहरुको अभिलेख राख्नुको साथै भ्रमणबाट प्राप्त हुन् आउने आर्थिक रकम विभिन्न खाले सहयोग संगै इजरायलवासी आम नेपाली समुदायहरुको मानवीय दु:खमा समर्पित भई सहयोग गरिने जानकारी दिएको छ |