कार्तिक २२, याम्बु : तामाङ संस्कृतिमा आधारित नेपाली भाषामा निर्माण भएको चलचित्र ‘डम्फुरे’ मंसिर ११ गते राष्ट्रिय नाचघर जमलमा प्रदर्शन गर्ने भएको छ । फायर इन्टर प्रा.लिको ब्यानरमा उक्त चलचित्र निर्माण भएको हो ।

डम्फुरे विनायक तामाङले सातौ निर्देशन गरेको चलचित्र रहेको हो। तामाङ समाजमा ‘डम्फूको महत्त्व’ बिषयमा निर्माण भएकाले गैर तामाङले सजिलै बुझन सकिने निर्माताले अपेक्षा गरेको छ ।

उक्त चलचित्र निर्मात्री सञ्च कुमारी तामाङ, कार्यकारी निर्माता अनिल थोकर र सह निर्माता टीका लामा, रोशन स्याङ्तानले निर्माण गरेक छन् । जनक गुरुङको द्वन्द र अजय स्याङतानको नृत्य रहेका छन् ।
रहेको छ ।

शेरप लोप्चनको कथा र बाबुराम सुवेदी,दिपीका लोप्चनको पटकथा रहेको निमार्ण पक्षले जनाएकोछ । अमृत लामा,आगा लामा,च्वाइस दोङको संगीत रहेको छ । चलचित्रको छायांकन काभ्रे,सिन्धुपाल्चोक र काठमाडौमा गरिएको महेन्द्र थापाले जानकारी दिए ।

चलचित्रमा विनायक तामाङ,विजय लामा,सेञ्जी पाख्रिन,अनिल थोकर,सविना थिङ,इसान बम्जन,रोशन स्याङ्तान,बबाल मोक्तान,माया तामाङ,शंखबहादुर जुंगे,पासाङ स्याङ्तान,शर्मिला तामाङ,उत्तम के सि,प्रीति केसि,अमिर सिङ्तानको मुख्य भुमिका रहेको छ ।