ओखलढुंगा– ओखलढुंगा  जिल्लामा  बेपता हुने महिलाहरुको श्रीमान वैदेशिक रोजगारीका लागि विदेश गएकाका श्रीमति छन् । प्रहरीले आफ्नो अनुसन्धानमा अनौठा घटना फेला पारेको छ । यो डरलाग्दो प्रकृति प्रहरीका लागि चिन्ताको विषय बनेको छ ।

हराउने महिला मध्ये अधिकांश बैदेशिक रोजगारीका लागि बिदेशिएका श्रीमानका श्रीमती रहेको प्रहरी कार्यालयका महिला तथा बालबालिका सेवा केन्द्रका हवल्दार दशरथ चौधरीले बताए ।

अझ चिन्ताको विषय यो छ कि, महिलाहरुको वेपत्ता हुनेक्रम जिल्लामा बढ्दो छ । विगतका बर्षको तुलनामा यस बर्ष हराउने महिलाको संख्यामा दोब्बर भएको छ ।

प्रहरीकहाँ महिला हराएका निवेदन ह्वात्तै बढेको जिल्ला प्रहरी कार्यलय ओखलढुंगाले जनाएको छ ।गत आर्थिक बर्ष २०७२÷७३ को तुलनामा आर्थिक बर्ष २०७३÷७४ सँगै धेरै महिला हराएका छन् ।चालु आर्थिक बर्षकोे सुरुवातसंगैै साउन र भदौ माहिनामा मात्रै ९ जना महिला बेपत्ता भएको प्रहरीले जनाएको छ ।

यस्तै गर्ता आर्थिक बर्षमा जिल्लाबाट ७८ जना हराएका मध्ये ५५ जना महिला थिए । जसमा २२ जना भटिए पनि ३३ जनाको अझै वेपत्ता छन् ।भेटिएका महिलाले घरेलु हिंसाका कारण घर छाड्ने तथा दोस्रो बिबाह गर्ने गरेको पाइको छ ।भेटिएका महिला आफन्तकहाँ फेला परेको र दोस्रो बिवाह गरी अन्तै जाने गरेको पाइएको प्रहरीले जनाएको छ ।