तेलअविव | प्रवासी भुमि  इजरायलमा रहनु भएका तमुहरुले आफ्नो  समुदायको महान पर्व  “च्ह्य ल्होसार २०१६” आउँदो ३० डिसेम्बर २०१६ (शुक्रबार) तेलअविव स्थित याद खरुचिम – १५ मा रहेको हलमा साँझ  ६:३० बजे देखि  ”प्ये म्हस्याँ छ्या म्हमू, छ्या म्हस्याँ ल्हू म्हमू, ल्हू म्हस्याँ म्ही म्हमू”'( शास्त्र हराए संस्कार हराउछ, संस्कार हराए सस्कृती हराउछ, सस्कृती हराए मानव अस्तित्व नै हराउछ) भन्ने मूल नाराका साथमा भव्यताको साथ मनाउने भएको छ  | तमु समाज इजरायलका अध्यक्ष  डिक कुमार गुरुङको अध्यक्षतामा २६ अक्टोबर  २०१६ मा तमु समाज इजरायल र तमु प्ये ल्हू संघ इजरायलको  सयुक्त बैठकले  सयुक्त रुममा ल्होसार एकै स्थलमा मनाउने निर्णय गरेको हो |

बैठकले तमु प्ये ल्हू संघ इजरायलका अध्यक्ष श्रीमती उमा गुरुङको सयोजकत्व तथा तमु समाज इजरायलको  तृतीय उपाध्याक्ष सुश्री आशा गुरुङ स -संयोजक रहने गरी ५५ सदस्यीय च्ह्य ल्होसार २०१६ मूल आयोजक समिति २०१६ गठन समेत गरिएको जानकारी आएको छ | च्या ल्होसार मूलआयोजक समितिलाई पूर्णता दिदै कार्यभारमा सरलता ल्याउनका निमित्त विभिन्न उपसमितिहरु समेत गठन  गरिएको जनाएको छ |