वरिष्ठ पत्रकार रबिन्द्र मिश्रको हेल्प नेपाल नेटवर्क रातो सूचीमा
विदेशमा रहेका नेपालीहरु माझ एकदम चर्चित गैरसरकारी च्यारिटी संस्था हेल्प नेपाल नेटवर्क बेलायतमा रातो सूचीमा परेको छ। बेलायतमा च्यारिटी संस्थाका रुपमा दर्ता भएको हेल्प नेपाल नेटवर्कले त्यहाँको नियम अनुसार हरेक वर्ष निश्चित समयभित्र च्यारिटी कमिसनलाई आर्थिक र प्रगति विवरण बुझाउनु पर्छ।
हेल्प नेपाल नेटवर्कले त्यो म्याद पार गरेको आज ११७ दिन भइसकेको छ। जसका कारण च्यारिटी कमिसनको वेबसाइटमा हेल्प नेपाल नेटवर्कलाई रातो सूचीमा राखिएको छ।
च्यारिटी कमिसन बेलायतको सरकारी विभाग हो जसले दर्ता भएका च्यारिटी संस्थाहरुको नियमन गर्छ। च्यारिटी संस्थाका नाममा हुनसक्ने फ्रडबारे पनि यसले सचेत गराउने गर्छ।
हेल्प नेपालले आर्थिक वर्ष २०१३ को आर्थिक र प्रगति विवरण पनि १०७ दिन ढिला बुझाएको च्यारिटी कमिसनको वेबसाइटमा उल्लेख छ।
चार महिनासम्म पनि यस्तो विवरण नबुझाए दर्ता खारेज गरी कारबाही गर्न सक्ने प्रावधान छ। ११७ दिन भइसकेकोले यो म्याद गुज्रने अवस्थामा छ। @माईसंसार |
