नेपाली काँग्रेस नेता धनराज गुरुङले आफ्नो पार्टी संसद्मा दर्ता भएको अख्तियार दुरुपयोग अनुसन्धान आयोग प्रमुख लोकमानसिंह कार्की विरुद्धको महाअभियोग प्रस्तावको पक्षमा उभिनुपर्नेमा जोड दिएका छन् । सत्तारुढ माओवादी केन्द्र र प्रमुख प्रतिपक्षी एमालेका १५७ सांसदद्वारा हस्ताक्षर सहित ३ कात्तिमा दर्ता भएको प्रस्तावमा काँग्रेसले समर्थन गर्नुको विकल्प नरहेको  बताए ।

आफू उपत्यका बाहिर रहेकाले प्रस्तावमा हस्ताक्षर गर्न नपाएको नेता गुरुङको भनाई छ । उनले भने, “यो महाअभियोग कुनै व्यक्ति भन्दा पनि विकृति र विसंगतिको विरोधमा हो । काँग्रेसले विकृतिको पक्ष लिने कुरै छैन ।”