-सनिल घिसिङ तामाङ  

असोज २२ | दोलखा जिल्लाको भुषाफेदा गा.बि.समा क्रियासिल समाजिक संस्था को-म्हेन्दो युवा समाजको आयोजनामा आजदेखि “भुषाफेदा कप दोलखा २०७३” हुने भएको छ ।वडा दशै र बिदाको अबसरलाई मध्यनजर गर्दै गत बर्षको बिनाशकारी महाभुकम्पको हजारौं कम्पनले त्रसित बनाएको दोलखा र सिन्धुपाल्चोक जिल्लाका सिमाना र आसपासका हजारौं नागरिकहरुलाई एउटा खेलकुदको माध्यमबाट मनोरञ्जनको प्रत्याभूति गर्न र बिनाशकारी महाभुकम्पले क्षेतविक्षेत बनाएका मनका पिडाहरुलाई केही हदसम्म भएपनि खेलकुदका मध्यमबाट आत्मीयता, सहिष्णुता, धैर्यता, अनुशासन, सद्भाव र भाइचारा सम्बन्धको बिकासमा टेवा पुगोस् र खेलकुदले दिगो जीवनयापनमा सकारात्मक सन्देशको महत्वपूर्ण भूमिकाको प्रवाह फैलाउन सकोस भन्ने हेतुका साथ फुटबल प्रतियोगिता आयोजना हुदैछ ।

“भुषाफेदा कप दोलखा २०७३” का लागि सम्पूर्ण तयारीहरू पुरा भईसकेको छ । दोलखा र सिन्धुपाल्चोक जिल्लाका १७ वटा स्थानीय क्लब तथा समाजिक संस्थाहरूको सहभागिता रहेको फुटबल प्रतियोगिता असोज २२ देखि भुषाफेदा गा.बि.स वडा न: २ स्थित थगममा रहेको खेल मैदानमा संचालन हुने, समाजका अध्यक्ष फूर्बा घिसिङले बताउनु भएको छ । उहाँका अनुसार ब्यक्ति, ब्यबसायिक संस्था र समाजिक संघ-संस्थाहरूले प्रतियोगिताका लागि प्रायोजन गरेका छन । प्रतियोगिताको पुरस्कार राशी कुल ९५ हजार रूपैया र प्रतियोगिता आयोजनाका लागि अनुमानित कुल लागत ६ लाख ४५ हजार रूपैया रहेको छ । प्रथम पुरस्कार ५०,००० हजार नगद, शिल्ड, मेडल र प्रमाणपत्र, दृतीय पुरस्कार ३०,००० हजार नगद, शिल्ड, मेडल र प्रमाणपत्र, तृतीय पुरस्कार १५,००० हजार नगद, शिल्ड, मेडल र प्रमाणपत्र, त्यस्तै गरी उत्कृष्ट खेलाडी, हाई स्कोर, अनुशासित टिमलाई मेडल र प्रमाणपत्रको ब्यबस्था गरेको जानकारी दिनुभएको छ ।

प्रतियोगितामा सहभागी क्लबहरूको बिबरण –

१ को म्हेन्दो युबा समाज, भुषाफेदा – २, दोलखा
२ फेदाली युवा क्लब, भुषाफेदा – ३, दोलखा
३ छार स्यो यूवा क्लब, भुषाफेदा – ४, दोलखा
४ टाकुरा यूवा क्लब, भुषाफेदा – ५, दोलखा
५ सुनौलो चण्डीडाँडा यूवा क्लब, भुषाफेदा – ६, दोलखा
६ एकटिभ ब्वाईज यूथ क्लब, खरीदुङ्गा, दोलखा
७ सुरके यूवा क्लब, सुरके, दोलखा
८ सयपत्री यूवा क्लब, मूडे, सिन्धुपाल्चोक
९ छार म्हेन्दो यूवा क्लब, खानी, ठूलो धादिङ, सिन्धुपाल्चोक
१० योङ स्टार यूवा क्लब, ब्यार्सा, ठूलो धादिङ, सिन्धुपाल्चोक
११ ओम मने यूवा क्लब, ब्यार्सा, ठूलो धादिङ, सिन्धुपाल्चोक
१२ ज्योति टाडी यूवा क्लब, ठूलो धादिङ, सिन्धुपाल्चोक
१३ फ्रेन्डसिप यूवा क्लब, निङ्ग्ले, सिन्धुपाल्चोक
१४ अन्दरभूङ यूवा क्लब, अत्तरपुर, सिन्धुपालचोक
१५ सिदार्थ यूवा क्लब, अत्तरपुर, सिन्धुपालचोक
१६ फ्रेन्डसिप यूवा क्लब, अत्तरपुर, सिन्धुपाल्चोक
१७ खाडीचौर यूवा क्लब, खाडीचौर, सिन्धुपाल्चोक

आज उट्घाटनको पहिलो खेल सयपत्री यूवा क्लब, मूडे, सिन्धुपाल्चोक र टाकुरा यूवा क्लब, भुषाफेदा – ५, दोलखा, त्यस्तै दोस्रो खेल सिदार्थ यूवा क्लब, अत्तरपुर, सिन्धुपालचोक र को म्हेन्दो युबा समाज, भुषाफेदा – २, दोलखा बीच हुनेछ ।

यस प्रतियोगिताका लागि तामाङ अनलाईन डट कम अफिसियल मिडिया पार्टनर रहेको छ ।