हङकङमा नयाँ शक्ति पार्टी नेपालको प्रवास संगठन गठन,संयोजकमा तामाङ
काठमाडौं । नयाँ शक्ति पार्टी, नेपालको प्रवास संगठन ‘अन्तराष्ट्रिय नेपाली समाज हङकङ ’ गठन भएको छ । प्रेम लामा तामाङको संयोजकत्वमा २१ सदस्यीय कार्यसमिति चयन भएको छ |
कार्यसमिति सदस्यहरुमा श्याम इङ्गनाम, मनोज गौतम, सम्सेर तुम्हाम्फे, नन्द चाङ्गसु, दया थापा, ओम प्रसाद गुरुङ, उर्मिला घले, प्रतापचन्द्र तामाङ, विनोद लामा तामाङ, विश्वनाथ घिसिङ तामाङ , अन्जु गुरुङ, कुमारी गुरुङ, कुल प्रसाद लिम्वु, नेत्र तिमिल्सिना र सवु लिम्वु रहेका छन् ।
प्रवास प्रादेशिक परिषद्का सह–संयोजक शंकर भण्डारीले दिएको जानकारी अनुसार नवगठित कार्र्यसमितिमा ५ जनापछि थपिने छ ।
अन्तराष्ट्रिय नेपाली समाज हङकङले हङकङमा रहेका नेपालीहरु बिच नयाँ शक्ति किन र के का लागि भन्दै यहीँ अक्टुवर २९ तारिखमा बृहत अन्तरक्रिया कार्यक्रम समेत गर्ने भएको छ ।
उक्त अन्तरक्रिया कार्यक्रमलाई प्रमुख अतिथि नयाँ शक्ति पार्टी, नेपालका संयोजक डा.बाबुराम भट्टराईले सम्वोधन गर्ने छन् |
