१९ असोज, काठमाडौ । रुसले सिरियाको टारटुस तटमा रहेको नौ सैनिक अखडामा आफ्नो एस ३०० हवाई रक्षा मिसाइल पठाएको छ । रुसको रक्षा मन्त्रालयले यसको पुष्टि गरेको छ ।

रक्षा मन्त्रालयका प्रवक्ता इगोर कोनाशेकोवले नौसैनिक अड्डाको हवाई सुरक्षाको लागि मिसाइल पठाइएको बताए । पश्चिम सिरियामा बढेको तनावकाबीच रुसले यो कदम उठाएको बीबीसीले जनाएको छ । गत महिना सिरियामा शान्ति बहालीकोलागि युद्धविराममा सहमति बनेको थियो तर युद्धविराम टुटेको छ ।

मेजर जनरल कोनाशेंकोवले एस ३०० रक्षात्मक प्रणाली भएको र यसबाट कसैलाई पनि खतरा नरहेको बताए । सोमबार अमेरिकाले जिहादी विरुद्धको साझा कारबाहीको लागि रुस सँग हुने वार्ता नगर्ने बताएको छ ।

अमेरिकाले रुसमाथि युद्धविराम उलंघनको आरोप लगाएको छ । वासिङटनले रुस तथा सिरियामा एलेप्पोमा सर्वसाधारणमाथि हमला बढाएको आरोप लगाएको छ ।