मगर खाम विशेष स्वायत्त क्षेत्र घोषणा गर्न माग, नगरे सशक्त आन्दोलन गर्ने चेतावनी
काठमाडौं । मगर खाम विशेष स्वायत्त क्षेत्र सरोकार समिति थबाङले एउटै संरचनामा राखी राजनैतिक अधिकारसहितको मगर खाम विशेष स्वायत्त क्षेत्र घोषणा गर्नुपर्ने माग गरेको छ ।
मंगलबार रिपोर्टर्स क्लब नेपालमा पत्रकार सम्मेलन गर्दै सरोकार समितिले प्रादेशिक पुनःसंरचना गर्दा मगरात स्वायत्त प्रदेशको फ्रेमभित्र राजनैतिक अधिकारसहितको मगर खाम विशेष स्वायत्त क्षेत्र घोषणा गरिनुपर्ने माग गरेको हो ।
कार्यक्रममा समितिका संयोजक तेजेन्द्र खाम मगरले प्रदेशको सिमांकन गर्दा रुकुमलाई बेवारिसे छोडिएको आरोप लगाउँदै भने,‘अब चाहीँ सरकारले सकारात्मक रुपमा हामीले अघि बढाएको मागलाई सम्बोधन गर्नुपर्छ ।’ उनले सरकारले जतिसक्दो आफूहरुले अघि सारेका मागहरु पूरा गर्नुपर्ने बताउँदै ढिला गरे सशक्त संघर्ष गर्ने चेतावनी दिए ।
« डीभी खुल्यो,घरैबाट यसरी भर्न सकिन्छ – तरिका सहित (Previous News)
(Next News) कागतीको बोटमा सुन्तलाको खोजी »
