सन २००९ मा लन्डनको sunderland university मा बि.ए अध्ययनको लागी नेपालबाट गएकी तनहु ब्यास नगरपालिका २ निवासी रुबिना खान हाल सकृय राजनिती गर्ने  उद्धेशका  साथ  नेपाल फर्केकी छिन् ।

उनीले  पुर्बप्रधानमन्त्री डा.बाबुराम भट्टराईको पार्टीमा लाग्ने आफ्नो श्रीमानको सपना रहेकाले आफु नयाँ शक्तिमा प्रबेश गरेको बताएकी छिन् । करिब ६ बर्ष लन्डनमा बसेर आफ्नो अध्ययन सकेर नेपाल फर्केकी रुबिना एकल महिला र एक छोराको  आमा पनि हुन् ।

लन्डनबाट सन २०१३ मा नेपाल घुम्नका लागि दम्पती नेपाल आएको बेलामा ट्राफिक चेकिङको बेलामा पछाडिबाट आएको मिनिबसले मोटरसाइकमा ठक्कर दिंदा उनीले  आफ्नो श्रीमान  गुमाएकी थिईन् |

आफ्नो श्रीमानको नजरमा हकअधिकारको निमित्त लड्ने इमानदार र बिकासवादी  नेताको रुपमा भट्टराई रहेको र  लन्डनबाट नेपाल फर्किए पछि  बाबुरामको पार्टीमा लाग्ने भन्ने सल्लाह भएको रुबिनाले बताएकी छिन् |  श्रीमानको सपना पुरा गर्न र  आफुलाई  पनि भट्टराई  मनपर्ने नेता भएकोले आफ्नो  क्षमता अनुसार नयाँ  शक्ति पार्टीको अभियान्ता भई सहयोग गर्न पार्टीमा प्रवेश गरेको बताइन् | राजनीतिमा लागेर एकल महिलालाई  समाजमा हेर्ने द्रिष्टि बिरुद्ध लड्ने पनि उनीले बताए  |