काठमाडौं, १७ असोज : चर्चित अमेरीकी कलाकार तथा रियालिटी टिभी स्टार किम कार्दाशियनमाथि पेरिसस्थित उनी बसिरहेको होटलमा दुई जनाले बन्दुक तोकेका छन् ।

पेरिसमा आयोजना भइरहेको फेसन विकमा सहभागी हुन पुगेकी किममाथि आइतबार राति होटलको कोठाभित्र दुई व्यक्तिले बन्दुक ताकेको बीबीसीले जनाएको छ ।

प्रहरी पोशाकमा रहेका नकावधारी २ जनाले किममाथि पेरिस होटलको कोठाभित्रै बन्दुक ताकेको उनका प्रवक्ता इना ट्रेसियोकासले अन्तर्राष्ट्रिय सञ्चारमाध्यमलाई जानकारी दिएकी छन् । पेरिस प्रहरीका एक अधिकारीले उक्त घटनाको पुष्टि गर्दै घटनाको अनुसन्धान भइरहेको बताएका छन् ।

उक्त घटना भएको खबर सुनेपछि वेस्ट न्युयोर्कमा मिडोज म्युजिक एन्ड आर्ट फेस्टिवल कार्यक्रममा आफ्नो प्रस्तुती गरिरहेका किमका पति कान्ये पेरिस आएका थिए । (एजेन्सी)