असोज १७ , पोखरा : पोखरा घुम्न आउने पर्यटकको थाङ्का कला प्रति आकर्षण बढ्दै गएको छ । बौद्ध धर्मावलम्वीको धार्मिक संस्कारमा प्रयोग हुने नेपाली थाङ्का प्रति पर्यटकका आकर्षण बढेको हो ।

नेपालको उपहारको रुपमा थाङ्का किनेर लैजाने पर्यटकहरु पछिल्लो समय आफै थाङ्का आर्ट सिक्न थालेका छन् । पोखरा घुम्न आउने पर्यटक थाङ्का कला सिक्न निकै रुचाउँने गरेको पर्यटकलाई तीन बर्षदेखि थाङ्का कला सिकाउदै आएकी पोखराको लेकसाइडकी सोनु मोक्तानले बताइन् ।

चिनीया, कोरियन, जापानी, डच, लगाएतका देशका पर्यटकले बढि मात्रामा थाङ्का आर्ट सिक्ने गरेको उनले सुनाईन् । अन्य देशका पर्यटक पनि थाङ्का कला प्रति निकै आकर्षित हुने गरेको मेण्टल प्याराडाइज थाङ्का आर्ट वर्क सर्पमा पर्यटकलाई थाङ्का लेख्न सिकाउँदै गरेकी मोक्तानले बताइन् ।

भूकम्पपछि भने पर्यटकको आगमनमा कमी आउँदा थाङ्काको व्यापार घट्नुको सथै कला सिक्न आउने पर्यटक पनि निकै कम आएको उनले बताईन् । दोकानमै हामीहरुले थाङ्का आर्ट गरिरहेको देखेपछि पर्यटकहरु जिज्ञासु हुदै थाङ्का आर्ट सिक्न आउने गरेको उनले सुनाईन् । भूकम्पअघि बर्षमा १०÷१२ भन्दा बढि पर्यटकले थाङ्का कला सिक्ने गर्दथे अहिले त्यो संख्या घटेर बर्षमा मुस्कीलले ३ ÷४ जना सिक्न आउने गरेको उनले बताइन् ।

थाङ्का आर्ट सिकाएको ३ घण्टाको एक हजार लिने गरेको उनले जानकारी दिईन् । लामो समय सिक्नेहरुलाई भने केही डिस्काउण्ट गर्ने गरेका छौं उनले भनिन् । एक हप्ता देखि २/३ महिनासम्म थाङ्का कला सिक्ने पर्यटक आउछन् उनले भनिन् ।
पहिलो पटक थाङ्का कला देखेपछि आँखा त्यसैमा अडिएको २३ वर्षीय इज¥याली पर्यटक सिनाई ब्रकस्टेनले बताईन् । यसपछि आफै थाङ्का आर्ट सिक्न कस्सिएको थाङ्का कला सिक्दै गरेकी उनले सुनाइन् । काठ्माडौंको ठमेलमा पहिलो पटक थाङ्का कला देखेपछि त्यस कलाको रंगले आँखा अडिएको अडियै भएको उनले बताइन् । दुई महिना नेपाल घुम्न आएकी सिनाई पोखराको लेकसाईडको मेण्टल प्याराडाइज थाङ्का आर्ट वर्क सपमा ६ दिन देखि कला सिक्दै छन् ।

आर्टमा सानैदेखि रुची थियो । रुची भएपनि पेशाले इज¥यालमा टे«कीङ् गाइड्को काम गर्ने भएकोले चित्र बनाउने फुर्सदै नमिलेको उनले सुनाईन् । पहिलो पटक नेपाल घुम्न आएकी उनि जिवनमै पहिलो पटक काठमाडौको ठमेलमा थाङ्का आर्ट देखेको बताइन् । नयाँ आर्ट देखेपछि घुम्ने समय कटाएर पोखरामा कला सिक्नमा लागेको उनले सुनाइन् । थाङ्का आर्टमा हुने रंग संयोजन निकै मन परेको उनले बताइन् । करिव एक हप्तामै आर्ट बनाउने कला टिपेकी सिनाई घर फर्केपछि फुर्सदका समय सदुपयोग गर्दै थाङ्का आर्टलाई निरन्तरता दिने बताईन् ।

नेपालमा रहदा थाङ्का आर्टमा रमाउँदा निकै आनन्द आएको अर्का पर्यटक रब मिसिरोस्की बताउँछन् । साढे दुई हप्ता थाङका बनाउँदाको आनन्द भुली नसक्नुको भएको उनको प्रतिक्रिया छ ।

नेपालबाट थाङ्का कला ठुलो परिमाणमा विदेशमा निर्यात हुर्दै आएको छ । सुती कपडामा काठको फ्रेम प्रयोग गरेर बिशेषगरी बुद्धका चित्र कोरिने थाङ्का पाँचौ शताब्दीमा विकास भएको बौद्धधर्मालम्बीहरु बताउँछन् ।