प्रधानमन्त्री दाहालले सत्ताका लागि भारतसँग राष्ट्रघाती सम्झौता : भट्टराई
काठमाडौं, १५ असोज-नयाँ शक्ति पार्टी नेपालका संयोजक एवं पुर्वप्रधानमन्त्री डाक्टर बाबुरामले सत्ता र कुर्सी टिकाउनकै लागि प्रधानमन्त्री पुष्पकमल दाहालले भारतसँग राष्ट्रघाती सम्झौता गरेको बताएका छन् ।
भक्तपुरमा दशैँको सुभकामना आदानप्रदान एवं चियापान कार्यक्रममा बोल्दै डाक्टर भट्टराईले प्रधानमन्त्रीले भारतसँग गरेको २५ बुँदे सम्झौता देशको हित विपरीत भएको बताए ।
सम्झौता भएको दिन आफु रातभर निदाउन नसकेको बताउँदै भट्टराइले भने ‘प्रधानमन्त्री पुष्पकमल दाहालले भारत भ्रमणमा २५ बुँदे सहमति गरी सार्वजनिक गर्दा मलाई रातभर निद्रा लागेन ।’
यसरी नै कुर्सी टिकाउन विदेशीसँग सम्झौता गर्नपर्ने हो भने देश विकराल स्थितिमा जाने उनले बताए । यस्तो प्रवृत्तिले देश विदेशीको कुचक्रमा फस्ने भन्दै उनले कार्यकारी राष्ट्रपतिको आवश्यक्ता रहेको बताए । स्थायी सरकार भएमा विदेशीले चलखेल गर्न नपाउने उनको भनाई थियो । भट्टराईले भने, ‘यस्तो प्रवृत्तिको अन्त्य गर्न संविधान संशोधन गरेर कार्यकारी राष्ट्रपतिको व्यवस्था गर्नुपर्छ ।’
