अन्तराष्ट्रिय कलाकार मन्च इजरायल शाखा द्वारा गत १२ अगस्ट २०१६ (शुक्रबार) धुर्मुस सुन्तली फाउन्डेसनको सहयोगार्थ आयोजित पिकनिक कार्यक्रममा उठेको रकम नेपाली रुपियाँ २,००,१११ (अक्षेरुपि – दुई लाख एक सय एघार) हस्तान्तरण गरेको छ |

संस्थाकी महासचिब पेमा लामा तामाङ र कोषाध्यक्ष कादम्बरी दाना श्रेष्ठ बिदाको समयमा नेपाल गएको बेला गिरान चौर नमुना बस्ती सिन्धुपाल्चोकमा पुगी रकम हस्तान्तरण गरेको संस्थाकी उपाध्यक्ष सिता घिसिङ तामाङले जानकारी दिनु भएको छ |

उक्त पिकनिक कार्यक्रमलाई भब्यत़ाका साथ सम्पन्न र सफल बनाउनुमा आ-आफ्नो क्षेत्रबाट प्रत्यक्ष र अप्रत्यक्ष रुपले सहयोग पुराउने सम्पूर्ण संस्थाका पदाधिकारीहरु , कार्यकारी सदस्यहरु , संचारकर्मी, विभिन्न संघसंस्थाहरु , पिकनिक कार्यक्रममा सहयोग गर्ने सहयोगी दाताहरु , अहोरात्र खटेर सहयोग गर्ने साथीहरु, कार्यक्रम सम्म आएर सहभागिता जनाईदिने सम्पूर्ण आगन्तुक पाहुनाहरुलाई मंच द्वारा धन्यवाद व्यक्त गरेको छ |