इजरायलका पुर्व राष्ट्रपति शिमोन पेरेजको ९३ बर्षको उमेरमा निधन
तेलअविव – इजरायलका पुर्वराष्ट्रपति तथा प्रधानमन्त्री शिमोन पेरेजको ९३ वर्षको उमेरमा निधन भएको छ। दुई साताअघि मस्तिष्कघात भएपछि उनी गम्भीर बिरामी भएका थिए।
पेरेज दुई पटक प्रधानमन्त्री र एकचोटि राष्ट्रपति भएका थिए ।सन् १९४८ मा नयाँ मुलुकको रुपमा इजरायलको जन्म देखेका इजरायल ली राजनीतिज्ञहरुको पुस्ताका अन्तिम नेतामध्ये उनी पनि थिए।
पेरेज इजरायलको गोप्य पारमाणविक कार्यक्रमको निर्माता मानिन्छन्।उनले प्यालेस्टिनीहरुसंग शान्ति सम्झौताका लागि भूमिका निर्वाह गरेको भन्दै सन् १९९४ मा नोबेल शान्ति पुरस्कार जितेका थिए।
उनले उक्त प्रतिष्ठित पुरस्कार त्यतिबेलाकाइजरायल’ली प्रधानमन्त्री यित्ज्याक राबिन र प्यालेस्टिनी नेता यासेर अराफतसंग संयुक्त रुपमा पाएका थिए।
जीवनको उतरार्द्धतिर पनि पेरेज सक्रिय थिए।उनले खासगरी आफ्नो गैरसरकारी संस्था ‘पेरेज सेन्टर फर पिस’मार्फत इजरायल र प्यालेस्टिनीबिच नजिकको सम्बन्ध बनाउन भूमिका निर्वाह गरेका थिए।
