हलिउडको चर्चित जोडी ब्राड पिट र एन्जेलिना जोलीबिच डिभोर्सको प्रक्रिया चलिनै रहेको छ । डिभोर्सका लागि मुद्धा दर्ता गराएकी एन्जेलिनाले ब्राडसँग बस्दै आइरहेको घर पनि छोडेकी छिन् ।

एक म्यागाजिनका अनुसार एन्जेलिनाले आफ्ना ६ वटा बच्चाहरुसहित घर छोडेकी छिन् । उनले लस एन्जलसमा एउटा घर भाडामा लिएकी छिन्  । त्यही घरमा उनी अब बस्ने छिन । उनले उक्त घरलाई ६३ लाख रुपैया मासिक भाडा तिर्नेछिन् ।

जोलीले २० सेप्टेम्बरमा डिभोर्सका लागि मुद्धा दर्ता गराएकी थिइन् ।

ब्राडसँग निजी सम्बन्ध तोडेकी जोलीले व्यवसायिक सम्बन्ध पनि तोड्ने प्रक्रियामा रहेको बताइएको छ ।

उनले ब्राडको मोबाइल नम्बर पनि ब्लक गरेको बताइएको छ । उता भने ब्राडसँग अफयेर चलेको भनिएकी अभिनेत्री काटिलार्डले सबै कुरा अफवाह भएको बताएकी छिन् ।