१० असोज | सरकारी कार्यलयमा हुने भद्रगोल र अव्यवस्थित झमेलाको शिकार बनेका क्याप्टेन विजय लामाले सामाजिक संजाल फेसबुकबाट चिन्ता व्यक्त गरेका छन । क्याप्टेन लामा भन्छन “हिजो म मेरो गाडीको कर बुझाउन कुसुन्ती स्थितमा रहेको यातायात कार्यलयको स्थिति अबस्था देख्दा सरकारलाई  हामि जनताले ब्यार्थै कर तिर्दा रहेछौ जस्तो लाग्यो” ।

कर्मचारीहरुले कार्यालयबाट छिटो छरितो र सुबिधा युक्त ढंगबाट सेवा प्रदान गर्न नसक्नुले जनमानसमा सरकार प्रति उदासीनता झन् बढ्दो छ, अझ यस्तो भद्रगोल र अव्यस्थित कार्य बीच सरकारी कार्यालयहरु चल्दा महत्वपूर्ण कागजातको कसरि सुरक्षित हुन्छन ? भन्ने थप चिन्ताको बिषय बनेको छ ।

महत्वपूर्ण कागजातको सुरक्षा प्रति चासो व्यक्त गर्दै क्याप्टेन लामा बताउछन् ” करिब ६० हजार सवारी साधनको कागजात यसरि राखिएको छ । न त आगो, न त हुरि, न त पानी बाटनै सुरक्षित छ । एउटा राम्रो अफिस पनि छैन जहाँ अरबौ को फाइल छ र हरेक दिन करोडौको कारोबार हुन्छ्! हैन कता जान्छ सन्कलित करको पैसा ?”