संविधान दिवसको अवसरमा नयाँ शक्ति नेपालको शुभकामना
असोज ३, काठमाडौ : नयाँ शक्ति नेपालले संविधान दिवसको अवसरमा शूभकामना दिएका छन् । एक विज्ञप्तीमार्फत नयाँ शक्ति नेपालले संविधान दिवसको अवसरमा शूभकामना दिएको हो ।
ऐतिहासिक संविधानसभाबाट संविधान जारी भएको प्रथम वार्षिकोत्सवको अवसरमा दलगत, समूहगत र व्यक्तिगत संकीर्णताभन्दामाथि उठेर राष्ट्रिय एकता कायम गर्दै समृद्ध नयाँ नेपाल निर्माण गर्ने अभियानमा प्रेरणा मिलोस् भन्दै नयाँ शक्तिले शुभकामना व्यक्त गरेको छ ।
संविधान घोषणा भएको एक वर्ष पूरा भएपनि आम नेपालीले संविधान दिवस मनाउन नसकेको विज्ञप्तीमा छ । संविधान दिवस कालो र सेतो भन्दा पनि सर्व स्वीकार्य हुनुर्पेमा जोड दिएका छन् ।
विज्ञप्तीमा नेपालीको भावना र मर्म अनरुप संविधान बन्न नसक्दा र संविधान दिवस सभ्य र भव्य हुन नसकेको उल्लेख छ ।
संविधान संशोधन गर्नु विकल्प नभएको भन्दै असन्तुष्ट मधेसीवादी दल, थारु, महिला, दलित, जनजाति र मुस्लिमहरुको अधिकार स्थापित गर्न जोड दिदै पहिचान र सामर्थयका आधारमा संघीय संरचना निर्माण गर्ने गरी संविधान संशोधनमार्फत संविधानलाई पूर्णता दिन नयाँ शक्तिले माग गरेका छन् ।
नयाँ संविधान कार्यान्वयन पश्चात प्राकृतिक स्रोत साधनलाई वैज्ञानिक तवबरले प्रयोगगरि आर्थिक समृद्धिको चरणमा मुलुकलाई अगाडि बढाउन नयाँ शक्तिले विज्ञप्ती मार्फत आह्वान गरेको छ ।
