जीवन र जोयाको फिलिपिन्समा भेट
भदौं ३१, काठमाडौं : चितवनका जीवन थापा मगर र जोयाबीच फिलिपिन्समा भेट भएको छ । घरायसि विवादको कारण आदर्श गृह नामक संस्थाले जीवनकी श्रीमती जोयालाई देशनिकाला गरेर अन्यायमा पारेको समाचार सामाजिक सञ्जालमा व्यापक छाएको थियो ।
यो घटनापछि न्युयोर्क निवासी आङकामी शेर्पाले दुवैलाई सम्पर्क गरेर पुनर्मिलनका लागि शेर्पाले सञ्जालमार्फत आह्वान गरेका थिए ।
फोटोहेरा डटकमका फोटोग्राफर शेर्पाले उनले आफ्नो फेसबुक म्यासेजमार्फत जोयालाई भिडियो च्याटमार्फत कुरा गरेका थिए । त्यतिखेर जोयाले रुदै आफनो परिवारसग भेट्न चाहेको बताएका थिए । जीवनले गरिबीको कारण अन्यायमा पिसिएको भनेपछि उनले फेसबुकमार्फत सहयोग मागेका थिए ।
शेर्पाले गृह मन्त्रालयमार्फत चितवन प्रहरी चौकीमा राखेको जीवनको नागरिकता र पासपोर्ट लिनेदेखि उनीहरुलाइ पुनर्मिलनको लागि काम गरेका थिए ।
जोया र जीवनको मिलनका लागि शेर्पाले अहिलेसम्म करिब ५ हजार डलर संकलन गरिसकेको छन् । आफु पनि टुहुरो भएर अन्यायमा परेर दुःख सम्झेर जीवन र जोयाको अन्याय देख्न नसकेर उनीहरुको सहयोगमा जुटेको बताए ।
